» GWAKAFWIKA (http://shakazulu.zeblog.com/)

Shaka Zulu

Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.

Calendrier

« Novembre 2017
LunMarMerJeuVenSamDim
 12345
6789101112
13141516171819
20212223242526
27282930 

Blog

Catégories

Derniers billets

Pages

Compteurs

Liens

Fils RSS

Thomas Sankara, mèt a mannyòk a révolisyon an péyi Bikina

Par Shaka Zulu :: 16/10/2010 à 15:45 :: LISTWA


http://t0.gstatic.com/images?q=tbn:ANd9GcSj8RX5NLuPt6xuGv06u120_Vg3zolkOSEMvaftgc3PHT0oxIM&t=1&usg=__mopUggfEU_-opNeVG6Gs7T4tUAw=
15 òktòb 1987, gouvèlman fwansé
ka fè kyouyé mèt a mannyòk a révolisyon
a péyi Bikina Faso, Thomas Sankara.



An ké woupwan an gwadloupéyen on pawòl a Thomas Sankara fwansé fè kyouyé on jou 15 òktòb 1987 an péyi Bikina Faso : " Nèg mawon ki pé pa menné on révolisyon ankò pa mérité yo lévé yo di gad. Fò pa yo atann si pal a ansyen mèt a-yo pou sa. Sé lévé gawoulé pou yo pé sav woufè kò a-yo é libéré-yo!".

Sa fwè é sè Gwadloup, sé konba a LKP, konba an-nou, konba a pèp Gwadloup!

11 sèktanm

Par Shaka Zulu :: 13/09/2010 à 13:55 :: LISTWA


http://t0.gstatic.com/images?q=tbn:ANd9GcSt1TZxU1jYIAhipKas6qSKleZ2cSsLS7S4dyfDyEOqlcVY6xE&t=1&usg=__p_uZ2_XIk4N7lemKg_RB5MmZ8Ng=11 sèktanm 1973 : larmé chilyenn ka rantré andidan palè nasyonal a prézidan-la Salvador Allende, on bann zawa ki ké fè prézidan a Répiblik Chili, on boug yo éli démokratikman, bay lanmò!



http://t3.gstatic.com/images?q=tbn:ANd9GcQ1dY6KA9xrYfnslxCNvLVhV9dEKvbhBdLnJm5EYM9TfgEXlAM&t=1&usg=__nm_eh8ivMdb0btBpLc4r_Cktj4M=11 sèktanm 1987 : On moun yo di i té vin pou volé, ka kyouyé Peter Tosh é Free I a kaz a Tosh menm.  Apré mò a Bob Marley é Carlton Barret, gwoup régé-la "The Wailers" té ka pèd on dòt moun a-y ankò.


http://t2.gstatic.com/images?q=tbn:ANd9GcR6em_92aLTH7g1pweMUS4tjBCMJgy5f3Qrc3zGuxZe9dCdOmA&t=1&usg=__CxKspej7qc0CoCagoDOovQ9OSAY=11 sèktanm 2009 : On manman aksidan loto té ka fèt Moudong Bémaho. On aksidan ola on loto travèsé pou'y ay lòtbò a chimen-la é pou kyouyé mèt a loto-la limenm é on dòt moun ki té ka vin anfas èvè loto a travay a-y. Lagwadloup ankò on fwa té ka pèd dé jenn a-y!

 

Man Rosana Uribe a kaz an-nou

Par Shaka Zulu :: 23/07/2010 à 13:50 :: LISTWA

http://ugtg.org/local/cache-vignettes/L118xH164/plumelle-uribe_portraet-0bd4d-8296d.jpghttp://ugtg.org/local/cache-vignettes/L188xH293/la_ferocite_blanche-e70b8-8b4b0.jpg



Ewopéyen toujou ranjé listwa an favè a yo sitou lè yo ka palé dè nèg. Pou éwopéyen, nèg vann nèg an Afwik mé yo pa'a jen di éwopéyen toujou fouté éwopéyen kon yomenm an èsklavaj dèpi nanni-nannan. E ben sé sa on madanm ka maké liv ka di. Man Rosana Amelia Plumelle-Uribe sé on fanm Kolonbi ki maké on liv "La Férocité blanche" an fwansé. On liv ola i ka èspliké an ki jan éwopéyen vin anvahi Lamérik, an ki jan blan mété nèg an èsklavaj, an ki jan éwopéyen té ka kyouyé tou sa ki pa té kon yo an Ewòp pannan dézyèm lagè mondyal-la é sitou an ki jan blan toujou fouté blan kon yomenm an èsklavaj. Wi mésyé, lèsklavaj toujou rété on mès é labitd aka éwopéyen! Man Rosana Uribe kay fasadé èvè gwadloupéyen jòd-la an sal "Rémy Naissouta" Lapwent a sizèd'swè é Radyo Tanbou Banbou envité-y dèmen sanmdi adan èstidyo ay ola i kay fasadé osi èvè pèp-la. "La férocité Blanche" on liv pou zò jété on kouzyé padavwa two lontan éwopéyen, blan fè nou pwan koko pou zabriko.

An nou chonjé 4 kanmarad ki tonbé

Par Shaka Zulu :: 23/07/2010 à 13:35 :: LISTWA

data:image/jpg;base64,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

An nou chonjé 4 kanmarad ki ba vi a yo pou péyi a yo Gwadloup. Non a yo Michel Uranie, Fred Pineau, François Casimir é Jack Berthelot. Wi tout patriyòt Gwadloup kay chonjé dèmen  sé 4 militan-lasa ki pèd vi a yo an misyon on jou 24 juiyé 1984. 

16 jen 1985

Par Shaka Zulu :: 14/06/2010 à 18:17 :: LISTWA

http://t2.gstatic.com/images?q=tbn:AWyKauoHTxUvFM:http://www.pyepimanla.com/noel/photos/divers/guadeloupe-rupaire.jpghttp://t0.gstatic.com/images?q=tbn:qW504yxKcyaD4M:http://www.lexpress.fr/medias/222/1-conflit-justice-independantiste-reinette-guadeloupe_152.jpg16 jen 1985, 4 patriyòt gwadloupéyen kaskòd adan lajòl a fwansé. Non a yo Lik Rénèt, Enbè Marbèf, Anri Pératou é Anri Amédyen. Yo chapé é dèpilò léta fwansé fouté baraj toupatou an péyi-la, voyé élikòptè an syèl ka èché sé patriyòt-la. Mé parapòt a rézo sèryé ki té ni an péyi-la, fwansé mèt-yo ka èché yo lontan! An ka chonjé moman-lasa ola pannan an té ka rantré an vakans an péyi-la, an té ka vwè afich a sé militan-la kon an tan an pyès kòbòy yo té ka bay an télé-la. Kon yo ka di yo té "wanted".
Pou chonjé moman-lasa patriyòt ka envité pèp Gwadloup jou mèkrèdi 16 jen adan on sanblé an sal "Henri Théodore-Forstin" an vil Zabim, on koté ola yo ké palé dè patriyòt ki té adan lajòl a léta kolonyal fwansé é yo té onlo!

Dèlgrès goumé pou'y té rété anba grenn a fwansé?

Par Shaka Zulu :: 31/05/2010 à 13:50 :: LISTWA

http://t0.gstatic.com/images?q=tbn:z_hs3DGGv9wsfM:http://s1.e-monsite.com/2009/06/24/01/12055533p1000396-1632x1224-jpg.jpg
Delgrès té ké rété
anba gyouk a léta fwansé?

Dèlgrès goumé pou'y té rété anba grenn a fwansé? Sèlon on valèt ka woulé ba télé a léta kolonyal fwansé, Dèlgrès té ké on boug ki té ké rété fidèl a Lafwans! Alò ou goumé kont sistenm èsklavajis a sé mésyé pou apré ou vlé rété anba sistenm kolonyal a yo? Konba-la gwadloupéyen menné an 1802 té menm konba pèp ayisyen menné kont larmé fwansé! Aprédavwa labann a Toussaint, Pétion, Dessalines é konsò fouté èsklavajis déwò an péyi a yo, yo fouté an menm balan-la léta fwansé déwò! E ben, sé té ké menm biten si labann a Ignas, dèlgrès, Masoto é konsò té gannyé larmé a Richepance. Nonsèlman yo té'é fouté sé èsklavajis-la déwò mé an menm balan-la yo té'é fouté léta kolonyal fwansé déwò an péyi Gwadloup. Kifè, Gwadloup té ké vin endépandan avan Ayiti! E fwansé té'é fè gwadloupéyen péyé lendépandans a yo kon yo fè sé fwè ayisyen-la!

A pa blan ki libéré nèg!

Par Shaka Zulu :: 12/05/2010 à 8:55 :: LISTWA

http://t2.gstatic.com/images?q=tbn:wGZOPrFPaNhWzM:http://students.depaul.edu/~jallonce/Maroon.jpg

Sé parapòt a gawoulé

a nèg mawon si nou pa

ni chenn ankò!


Yè swa adan télé a léta kolonyal fwansé (wi fò nou toujou gadé sa ka fèt aka lèlmi!), yo montré on émisyon asi lèsklavaj. Mé jan-la yo té ka montré moun sa, sé kon sidiré sé blan-la té ni enki bon kè! Yo montré blan ka monté asosyasyon pou libéré nèg. Mé sa yo pa'a di la, sé an tan-lasa machin té komansé pwan plas a nonm. Ki fè sé blan-la pa té bizwen onlo èsklav kon avan. Labann a Chèlché é zanmi a-y pa jen té enmé nèg! Li èvè zanmi a-y fè tout sinéma a-y pou apré moun ba sé mèt-la lajan apré lèsklavaj!  Alò fò pa yo fè nou kwè sé mésyé lagé nèg pas yo té enmé nou! Manti a mantè! AWA!  Sé nèg yomenm ki lévé gawoulé kont lèsklavaj é prèmyé koté nèg libéré-yo anba chenn a sé chyen-la sé Ayiti!

Limigrasyon gwadloupéyen an péyi Ayiti

Par Shaka Zulu :: 22/04/2010 à 14:03 :: LISTWA

http://t3.gstatic.com/images?q=tbn:8Z7fCSAXuSm2qM:http://idata.over-blog.com/0/60/61/22/Guadeloupe/carte-guadeloupe.gifhttp://t0.gstatic.com/images?q=tbn:8RTInIkRR7X2LM:http://www.diplomatie.gouv.fr/fr/IMG/jpg/HAITI-2-05-07.jpg
Wi mésyé, gwadloupéyen
ay an Ayiti viv adan-y!


Limigrasyon gwadloupéyen an péyi Ayiti? Zò dwèt ka mandé, mé ka mwen ka maké ba zòt la ankò? E wi fwè é sè Gwadloup pannan lélanné 1800 é kèk jous a lélanné 19OO é kèk, gwadloupéyen rann-yo an péyi Ayiti pou yo rété viv adan-y! Chonjé an 1802, lè nou gwadloupéyen, nou malérèzman pèd douvan larmé a Napoléon, onlo gwadloupéyen rèfizé woutonbé anba chenn ankò, kifè apré yo té oblijé janbé dlo é ay adan sèl péyi a Karayib-la ki té libéré-y dè lèsklavaj, Ayiti! Sèl péyi èvè Etazini ki té endépandan! Toujou chonjé sa! Alò lè gwadloupéyen ka wouvè gèl a yo pou di bétiz anlè ayisyen, sé pétèt anlè on fanmi a yo yo ka fè-y! Dayè CORECA ka òganizé vandrèdi swè an sal Rémi Nasouta Lapwent on démokatpawòl asi sa èvè on mèt-linivèsité ki sòti péyi Etazini.

17 avril 1980

Par Shaka Zulu :: 19/04/2010 à 7:55 :: LISTWA
                                           Lendépandans a  ZIMBABWE (17 avril 1980)

http://tbn3.google.com/images?q=tbn:cGdTDqZoCb6NvM:http://upload.wikimedia.org/wikipedia/commons/thumb/6/6a/Flag_of_Zimbabwe.svg/800px-Flag_of_Zimbabwe.svg.png

On son Marley té konpozé lè-y té adan péyi Zimbabwé (an moman-lasa yo té ka kriyé-y ankò Wodézi). Sé té an moman konbatan a laZANU té ka lévé gawoulé kont sé kolon blan-la. Péyi Zimbabwé té envité Marley èvè gwoup ay fè on konsè jou a lendépandans ay lè 17 avril 1980. Ka fè dèpi sanmdi pasé, 30 lanné!

Mi pawòl a chanson-la :

Every man gotta right to decide his own destiny
And in this judgement there is no partiality
So arm in arms, with arms, we'll fight this little struggle
'Cause that's the only way we can overcome our liitle trouble

Brother you're right, you're right, you're right
You're right so, so right
We gon' fight (we gon' fight), we'll have to fight (we gon' fight)
We gonna fight (we gon' fight), fight for all rights

Natty Dread it in-a (Zimbabwe)
set it up in-a (Zimbabwe)
Mash it up-a in-a Zimbabwe (Zimbabwe)
Africans a-liberate (Zimbabwe)

No more internal power struggle
We come together to overcome the little trouble
Soon we'll find out who is the real revolutionary
'Cause i dont want my people to be contrary

And brother you're right, you're right
You're right, you're right so, so right
We'll have to fight (we gon' fight), we gonna fight (we gon' fight)
We'll have to fight (we gon' fight) fighting for our rights

Mash it up in-a (Zimbabwe)
Natty trash it in-a (Zimbabwe)
Africans a-liberate Zimbabwe (Zimbabwe)
I an' I a-liberate (Zimbabwe)

(Brother you're right) You're right
You're right, you're right so, so right
We gon' fight (we gon' fight) We'll have to fight (we gon' fight)
We gonna fight (we gon' fight), fighting for our rights

To divide and rule could only tears us apart
In everyman chest, there beats a heart
So soon we'll find out who is the real revolutionaries
And i don't want my people to be tricked by mercenaries

Brother you're right, you're right, You're right, you're right so, so right
We'll have to fight (we gon' fight), we gonna fight (we gon' fight)
We gonna fight (we gon' fight), fighting for our rights

Natty trash it in-a Zimbabwe (Zimbabwe)
Mash it up in-a Zimbabwe (Zimbabwe)
Set it up in-a Zimbabwe (Zimbabwe)
Africans a-liberate Zimbabwe (Zimbabwe)
Africans a liberate Zimbabwe (Zimbabwe)
Natty dub it in-a Zimbabwe (Zimbabwe)

Set it up in-a Zimbabwa (Zimbabwe)
Africans a-liberate Zimbabwe (Zimbabwe)


Mofwazaj a-y adan lang an-nou, an ké éséyé ba zòt li plita!

Chyen

Par Shaka Zulu :: 09/04/2010 à 15:10 :: LISTWA

http://t1.gstatic.com/images?q=tbn:PyPt4VNjVAPUoM:http://ugtg.org/IMG/png/e83300a96dbbe44141a750b8f970f724.png

                                                 CHYEN


Chyen varé mwen
Chyen foré mwen kon nenpòt ki jan férèdchyen
Chyen a zòrèy-la foré mwen

Tout tèt a klou an mwen pé tòd si an ka manti
Manch a mato an mwen pé fann si an dépalé
Mwen pa té moun a misyé-la ni an blan ni an nwè
Mwen pa manjé manman poul a-y ni an blan ni an nwè
E magré sa

Chyen foré mwen
Chyen varé mwen
Chyen foré mwen kon nenpòt ki jan férèdchyen
Chyen a zòrèy-la varé mwen

Mwen ka kenn wòch ka èspéré on simèl soulyé
Zongonn an mwen ka angoudi anba solèy-la
Zòrèy-la sòti la'y sòti byen mèsi byen doubout
Mé poukisa?

Chyen varé mwen
Chyen foré mwen
Chyen varé mwen
kon nenpòt ki jan férèdchyen
Chyen a zòrèy-la foré mwen

Tout maléré zanmi an-mwen lévé gawoulé
Vil Bastè mété'y ka chofé
Kon chabon kanpèch
Zanmi a zòrèy fè-y pati an dousin kon kapon
Tout politisyen, Monsengnè an dousin kon kapon
E tousa davwa

Chyen foré mwen
Chyen varé mwen
Chyen foré mwen
Kon nenpòt ki jan férèdchyen
Chyen a zòrèy-la varé mwen

Lalwa désann kon dlo
Lawmé désann kon koko
Yo rété moun pa krèy
Rété tout moun : vèt kon mi
Politisyen hélé : "Nèg-la aséfyé!"
Aséfyé
Voyé lawmé pou kalmé yo
Aséfyé
Aséfyé
Yo obliyé

Chyen varé mwen
Chyen foré mwen
Chyen varé mwen
Kon nenpòt ki jan férèdchyen
Chyen a zòrèy-la foré mwen

Chyen tanlontan
Chyen jòdijou : menm zannimo-la
Moun a sou lontan
Moun a sou jòdi : menm moun-la
Nèg-mawon lontan : jòdijou méléré maléré
Douvan yo, sé menm chyen-la
Moun-a-sou é lawmé
Mi sé pou sa

Chyen foré mwen
Chyen varé mwen
Chyen foré mwen
Kon nenpèot chyen ki jan férèdchyen
Chyen a zòrèy-la varé mwen

Chyen Nouyòk
Chyen Bastè
Fwè-mwen
Gay jan yo ka sanm?
Moun-a-sou Nouyòk
Moun-asou Pari :yo ka sanm
Nèg Harlèm é nèg Badibou
Ka sanm kon maléré
Sé menm jan-la

Chyen varé nou
Chyen foré nou
Chyen varé nou
Kon nenpòt ki jan férèdchyen
Chyen a zòrèy ka foré nou

On bab ki chouboulé Sony Ripè an 1967!

Mururoa é Fangataufa

Par Shaka Zulu :: 06/01/2010 à 14:29 :: LISTWA
Mururoa é Fangataufa, sa pa ka di zòt ayen? Si sa pa'a di zòt ayen, fò zò sav sé dé koté adan pasifik-la otila fwansé té ka pété bonb atomik a yo. Fwansé komansé pété bonb an Aljéri an 1960. Laljéri pwan lendépandans a-y an 1962 é sa pa anpéché fwansé kontinyé pété-y pannan 6 lanné ankò! Mé konm Laljéri sé on péyi endépandan, fwansé té oblijé èché on dòt koté pou pété bonb a yo. E sé kon sa yo touvé dé mòso tè an Polinézi, Mururoa é Fangataufa. Léta fwansé pété prèmyé bonb a-y Mururoa on jou 2 juiyé 1966. E pannan 30 lanné fwansé ké kontinyé fouté bonb (167 Mururoa é 14 Fangataufa). Lè fwansé komansé ki an Aljéri oben Polinézi, yo té ka voyé bonb-la anlè syèl é sé apré an Polinézi yo désidé pété-y anba tè. Nou vlé byen kwè koté yo té ka pété-y pa té tini pon moun té ka rété, koté yo té ka pété-y té lwen (?) kaz a moun! Mé 10 lanné apré, nou ka apwann moun ki té ka woulé adan sé koté-lasa trapé tout kalté maladi, sitou kansè! Nonsèlman polinézyen touvé-yo pri adan sa mé natirèlman fwansé kon yomenm! Bondyé pini pa'a rété lwen! Lafwans pa anvi pèd plas a-y adan sé gwan puisans-la alò li osi i bizwen ni bonb atomik-la. Mé kontrèman a dòt péyi, Lafwans pa ka pété bonb-la a kaz a-y, i ka fè-y a ka dòt moun! Sé sa ki bèl lè ou tini koloni! Lè Laljéri té anba gyouk a-y, Lafwans pa jenné-y pou pété-y a kaz a-y. On fwa Laljéri gannyé lendépandans a-y, fwansé touvé on dòt koloni, Polinézi.

http://www.hilliontchernobyl.com/Images/Muru/carte_polynesie.jpg
Koté otila fwansé kontinyé fè krim a yo!


http://www.hilliontchernobyl.com/Images/Muru/carte_zone-vie.jpg
On mòso a Mururoa

http://www.hilliontchernobyl.com/Images/Muru/1966_degrasse.jpg            http://www.hilliontchernobyl.com/Images/Muru/PC66_degrasse.jpg Mi bato-la
Sé kriminèl-la an aksyon èvè gwan chèf a yo, Charles
De Gaule. Yo abò on bato a larmé "Le Degrasse".


http://www.hilliontchernobyl.com/Images/Muru/tir1_sous-ballon.jpghttp://www.hilliontchernobyl.com/Images/Muru/1968_premiere_H.jpghttp://www.hilliontchernobyl.com/Images/Muru/1968_premiere_H_suite.jpg
Mi sa on bonb atomik ka fè lè'y ka pété!



http://www.hilliontchernobyl.com/Images/Muru/Route_gisele-denise.jpghttp://www.hilliontchernobyl.com/Images/Muru/plateforme.jpg
On krim kont nati-la!                                                  Gadé léta é koulè a lanmè-la!

E poutan adan 6 mwa, gwadloupéyen ké douvan télévizyon a yo ka sipòté ékip foutbòl fwansé pannan koup di mond-la!
 

Non a léfwè ayisyen

Par Shaka Zulu :: 23/11/2009 à 8:45 :: LISTWA

http://t0.gstatic.com/images?q=tbn:cNjMPx30fkHeUM:http://www.bde.inp-toulouse.fr/clubs/isf/images/carte_haiti.gifhttp://t2.gstatic.com/images?q=tbn:x3l-AwMEOa2C0M:http://www.colby.edu/french/fr128/efdavis/images/Guadeloupe.jpg
Non a onlo ayisyen lyanné èvè
non a gwadloupéyen!

Yè maten an té ka kouté Radyo Tanbou é yo té ka palé dè non ayisyen ki lyanné èvè non a gwadloupéyen. Lè an tann sa, sa fè "tik" an zòrèy an mwen é sé kon sa an komansé fè wouchach asi sa. An 1802, aprédavwa gwadloupéyen té malérèzman pèd konba douvan larmé a Richepance, onlo gwadloupéyen janmbé dlo pou yo té rivé an péyi Ayiti. Gwadloupéyen avèti ayisyen kè larmé fwansé kay anvayi péyi a yo. Sé kon sa apré labann a Toussaint, Dessalines é Pétion òganizé-yo pou yo té fouté fwansé. Imajiné-zòt, onlo ayisyen ki sòti Gwadloup vin prézidan a Répiblik Ayiti.
- Ou té ni Nord Alexis (17 désanm 1902 jous 2 désanm 1908). Fanmi Alexis, ou ka touvé-y Zabim.
- Ou ni Seymour Pradel (29 òktòb jous 6 novanm 1914). Fanmi Pradel ka touvé-y an komin Gozyé, Sentann, Senfanswa.
- Ou ni osi Davilmar Théodore (6 novanm 1914 jous 22 févriyé 1915). Ou ka touvé fanmi Théodore Zabim.
- Prospère Avril fè on kou prézidan (17 sèptanm 1988 jous 10 maws 1990). Ou ni on fanmi Avril Sentann.
Mé pli bèl-la mimi-y! François Duvalier (22 mé 1963 jous 21 avril 1971) é Jean-Claude Duvalier (21 avril 1971 jous 6 févriyé 1986). Si nou koupé non-la, nou ni Du-Valier. E nou sav fanm Valier ou ka touvé-y an komin Mònalo é an vil Lapwent.

Gwadloupéyen, kontinyé kraché asi ayisyen davwa lè zò ka kraché asi yo, sé asi zòtmenm zò ka kraché!

Mèsi Radyo Tanbou!

Èspozisyon kolonyal

Par Shaka Zulu :: 07/11/2009 à 13:40 :: LISTWA

http://upload.wikimedia.org/wikipedia/fr/thumb/f/f5/Dellepiane-exposition-nationale-coloniale-1922.jpg/150px-Dellepiane-exposition-nationale-coloniale-1922.jpghttp://upload.wikimedia.org/wikipedia/fr/thumb/4/44/Dellepiane-exposition-nationale-coloniale-1906.jpg/300px-Dellepiane-exposition-nationale-coloniale-1906.jpg

Konm mwenmenm an pa pèd tan an mwen kouté yè Napoléon Sarko, yo di an 2011, misyé ni lentansyon kréyé on fèt a dènyé koloni a léta fwansé. Mwenmenm an pa sav ka fwansé ké fouté adan fèt-lasa mé biten-lasa ka fè mwen chonjé sé èspozisyon kolonyal-la éwopéyen té ka fè an débi a 20 èm syèk-la. Asi sa fwansé té natirèlman douvan douvan! Sé èspozisyon-lasa té ka montré jan sé pèp-lasa té ka viv nòwmalman a kaz a yo an tan a lékoloni. Alò yo té ka montré yo pwès toutouni, ka viv adan kaz an pay, ka anmizé sé vizitè blan-la. Sé sa yo té ka kriyé osi on zo a moun (wi pa té ni yenki zo a zannimo!). Imajiné-zòt adan yonn ki té fèt Pari an 1931, gwan-papa a Christian Karembeu té adan sé kalté zo-lasa. Fò kwè Karembeu pa rankinyé davwa i fè fwansé gannyé lakoup di mond é i jous mayé èvè on fanm blan! Mi sé sa an réyalité léta kolonyal fwansé! Tout diskou a Sarkozy, sété on diskou KOLONYAL!

Ayen asi lè 21 òktòb an télé a yo!

Par Shaka Zulu :: 24/10/2009 à 13:40 :: LISTWA

http://t1.gstatic.com/images?q=tbn:XrupE0JaPA2I_M:http://upload.wikimedia.org/wikipedia/commons/thumb/c/c5/Red_flag_waving.svg/180px-Red_flag_waving.svg.png
Mèkrèdi pasé Lapwent, èvè tanbou a Anboutay, Akiyo é Mas Ka Klé, pèp Gwadloup sonjé travay dè rézistans a zansèt konbatan an nou Ignas, Masoto, Jédéon, Solitid, Dèlgrès é dòt moun ankò. Nou pati dè bik a LKP pou nou rivé lari Achille-René Boisneuf ola istoryen Rémon Gama konté nou sa ki pasé an mwa òktòb 1801 an péyi Gwadloup. 21 òktòb 1801, on dat ola gwadloupéyen lévé gawoulé kont rèprézantan a Léta fwansé. 21 òktòb 1801, on dat otila on gouvèlman gwadloupéyen vwè jou. On péyi gwadloupéyen byen menné, byen jéré pannan 6 mwa. Nèg ka dirijé Gwadloup fè sé blan-la chyé davwa sonjé an moman-lasa sik sété lò é lò-lasa té ka chapé an men a yo! Ki fè Napoléon é bannélo ay vin menné bato Gwadloup pou'y fè lagè èvè gwadloupéyen. Jous alè fwansé pa ka konpwann gwadloupéyen sé on pèp kon tout pèp asi latè! Adan déboulé a mas a konsyans-la, té tini kaméra é poutan pon télévizyon pa bay ayen asi manifèstasyon-lasa! 21 òktòb 1801, on dat ka fè Léta kolonyal fwansé chyé!  21 òktòb 1801, on dat ola gwadloupéyen té ka menné péyi a yo! 21 òktòb 1801, on dat pou nou jen obliyé!  

21 òktòb 1801, on gouvèlman gwadloupéyen

Par Shaka Zulu :: 21/10/2009 à 8:20 :: LISTWA

http://t3.gstatic.com/images?q=tbn:8Z7fCSAXuSm2qM:http://idata.over-blog.com/0/60/61/22/Guadeloupe/carte-guadeloupe.gifhttp://t1.gstatic.com/images?q=tbn:XrupE0JaPA2I_M:http://upload.wikimedia.org/wikipedia/commons/thumb/c/c5/Red_flag_waving.svg/180px-Red_flag_waving.svg.png
Toujou sonjé jou 21 òktòb 1801


"Une fois le représentant légal du pouvoir tutélaire destitué par la révolte populaire, la Guadeloupe se trouvait, pour la première fois, livrée aux seuls guadeloupéens, ceux qui, nés sur cette terre des Antilles, s'y étaient incrustés, en avaient fait leur première patrie...

L'agriculture prit un nouveau départ, le commerce devint à nouveau florissant et partout les travailleurs se remirent à la tâche. De nouvelles plantations furent créées ; le commerce fut établi avec les Etats-Unis d'Amérique. "Le commerce était florissant, les barriques de sucre, les sacs de café, les balles de coton roulaient sur les quais, comme dans les temps de la plus grande prospérité des colonies...". Il n'y eut pas de nouveaux impôts, mieux, les taxes qui grévaient le commerce et l'agriculture et entravaient leur développement harmonieux furent allégés. Les dettes contractées par les administrations précédentes (plus de quatre millions de livres) furent acquittées. Bref, c'était la renaissance. Un historien comme Boyer de Peyreleau pourtant profondément attaché à l'ancienne Colonisation, ne le conteste pas. Pour la première fois le président des USA, Jefferson, avait envoyé un agent commercial en Guadeloupe, Edward Jones. Celui-ci trouva que "le bon ordre régnait, que la culture et le commerce étaient en pleine activité, qu'une sévère économie régnait". Le jeu qui avait été jusque-là un fléau fut interdit.
En revanche, cette réussite des Noirs ne fit qu'ulcérer davantage l'ex-gouverneur Lacrosse et avec lui les colons attachés à l'ancien régime et les militaires blancs réfugiés à la Dominique ou à la Martinique".

(L'épopée Delgres : la Guadeloupe sous la Révolution française : 1789-1802 (Germain Saint-Ruf : Editions Librairie de l'Etoile - Paris 5 ème)

Sa sé mòso a on liv ki sòti an 1965. Liv-lasa maké pa on gwan gwadloupéyen ki malérèzman ja lésé nou, non ay Germain Saint-Ruf. 21 òktòb 1801, on lanné otila gwadloupéyen té ka menné péyi a yo ki ta yo. Tèlman nèg té ka menné péyi a yo byen menm, sé blan rasis-la té anmèwdé toubòlman. E sé pou sa Napoléon, Lacrosse, Richepance é bannélo a yo désidé voyé bato Gwadloup èvè plen sòlda asasen pou yo té woumété an péyi an nou lèsklavaj. Nèg ka menné péyi sa ka fè yo chyé! E sé pou sa fò nou sonjé moman a listwa-lasa. Si gwadloupéyen té kapab menné péyi a yo yè alò an pa'a vwè pou ki biten yo pa té'é kapab fè-y jòdi! 21 òktòb sé jou a drapo wouj an nou. Tout gwadloupéyen konsyan dwèt mété déwò drapo-lasa an péyi an nou. Dayè a kaz an fouté asi balkon an mwen on kalté manman drapo wouj. Oswè-la, pou nou sonjé moman-lasa, on déboulé a mas a konsyans èvè Anboutay, Mas Ka Klé, Akiyo é konsò kay fèt lari Lapwent. Tanbouyé, chachayé vin èvè zouti filé a zòt davwa tanbou adan listwa an nou toujou sèvi nou adan rézistans-la!

Anténor Firmin

Par Shaka Zulu :: 15/09/2009 à 14:15 :: LISTWA

http://www.lehman.cuny.edu/ile.en.ile/paroles/photos/firmin.jpg
Anténor Firmin (1850-1911).


Anténor Firmin fèt an vil Kap-Ayisyen on jou 18 òktòb 1850. I fè étid ay an vil-lasa menm é apré i vini mèt lékòl i té ni 17 lanné. Apré i fè kontabilité ba on sèvis a ladwàn é ba on konmès.

  An 1875, i ajan pèsèptè toujou an menm vil-la. Sé an moman-lasa, i ka rantré an politik é sé kon sa i désidé kréyé on jounal "Le Messager du Nord". On jounal otila i ja ka pozé pwoblèm a égalité a ras asi latè.

An 1879, i ka pèd adan élèksyon a dépité.

An jen 1883, i ka rèfizé vin minis a prézidan a Répiblik Ayiti, misyé Salomon é i oblijé èkzilé-y Sentoma é apré i ka rivé Pari otila i ka kontré fòs a Louis-Joseph Janvier. Sé kon sa apré i ka rantré adan "Société Anthropologie" an vil Pari.

An 1885, i ka maké on liv non ay an fwansé : "De l'égalité des races humaines" ki ka réponn on liv on fwansé té maké. Non a fwansé-lasa sé Gobineau é liv ay sé té : "Essai sur l'inégalité des races humaines". On liv ki enspiré on boug kon Adòlf Hitlè! Sé asi tou sa Gobineau maké éwopéyen komansé kolonizasyon a yo. Ewopéyen té ka vin pòté sivilizasyon davwa tout nonm pa té menm jan-la adan lèspri a sé éwopéyen-lasa. Mé Ayiti ki gannyé lendépandans ay an 1804, ka montré on péyi a nèg ki sòti anba gyouk a lèsklavaj pé rantré adan konsè a sé nasyon-la.

An 1888, Anténor Firmin ka woutouné Ayiti é ka jwé on gwan wòl adan dépa a Salomon.

An 1889, i ka vin minis a prézidan Hyppolite ant 1889 é 1896. Pannan toutan i té minis, i jéré Ayiti kon i té dwèt. Lékonomi a péyi-la té ka touné rèd menm.

Mé an 1902, prézidan ww Noel Alexis ka fouté péyi-la an pwoblèm é an 1908 èvè pal a Léwòp sitou Lafwans, mériken ka désidé mèt pat a yo an péyi-la. Misyé Anténor Firmin lévé gawoulé kont mériken mé malérèzman i ka pèd vi ay an 1911 é 4 lanné apré larmé mériken ka débaké an Ayiti.

Pou plis kamo asi Anténor Firmin, zò pé jété on kouzyé asi www.lehman.cuny.edu/ile.en.ile/paroles/firmin.html

Pèp gwadloupéyen é ayisyen kay rann misyé Anténor Firmin on omaj an "Bik Kréyòl"-la an komin Bémaho jou sanmdi 19 sèktanm.

Anténor Firmin ki komansé travay-la byen avan Cheik Anta Diop.

Té ni 70 lanné, gwadloupéyen té ka mò ba yo

Par Shaka Zulu :: 07/09/2009 à 8:15 :: LISTWA

http://t3.gstatic.com/images?q=tbn:RJU3C8zuhlE4IM:http://www.thotep.com/IMG/png_antillais_guerre.png
Té ni 70 lanné, bon enpé
 gwadloupéyen sèvi chè
 a kannon ba kolonyalis fwansé.

Té ni 70 lanné, gwadloupéyen té ka sèvi chè a kannon ba larmé kolonyalis fwansé adan dézyèm lagè mondyal a yo. An débi a mwa sèptanm 1939, on pakèt jenn gwadloupéyen té ka baké pou yo ay an Ewòp pou lagè-lasa. Fwansé èvè pwopagann a yo té ka fè gwadloupéyen konpwann sé té pou démokrasi fò yo té goumé. E sé kon sa gwadloupéyen té kontan pati pou yo ay fè lagè-lasa. Yo jous té ka chanté :"Nou kay rantré blobloblo! Nou kay rantré an kyou a Hiltlè!". Ki fè apré on pakèt gwadloupéyen ay pèd vi a yo ba kolonyalis fwansé-la. Moun konpwann sé té swadizan pou konbat sé nazi alman-la alò kè sé té pou plen kès a sé kapitalis-la. Nonsèlman gouvèlman fwansé sèvi èvè fwansé kon yomenm pou fè sal lagè-lasa mé an plis di sa fwansé sèvi èvè gwadloupéyen, matiniké, gwiyané, kanak, polynézyen, sénégalè, malyen, aljéryen, mawoken, tinizyen... Kapitalis fwansé pa té ni konbin èvè moun, di moman solda a yo té ka pèmèt yo plen kès a yo.

Nou té la avan sé blan-la!

Par Shaka Zulu :: 30/07/2009 à 8:45 :: LISTWA

http://upload.wikimedia.org/wikipedia/commons/thumb/e/eb/Cabeza_Colosal_n%C2%BA1_del_Museo_Xalapa_-_blank.png/250px-Cabeza_Colosal_n%C2%BA1_del_Museo_Xalapa_-_blank.png              http://upload.wikimedia.org/wikipedia/commons/thumb/f/f0/Map_Olmec_sites.png/250px-Map_Olmec_sites.png

On rèprézantan a sivilizasyon Òlmèk.                     Koté otila sé òlmèk-la té ka viv. (Mèksik).
Gadé-y byen! E si zò ka di a pa on nèg,
sé zò tini pwoblèm a zyé!



Lè moun ka bòdé listwa a kontinan Mériken-la, yo ka obliyé souvan kè afwiken viv adan kontinan-lasa avan rivé a sé éwopoéyen-la.
Sé vré, yo touvé on pakèt prèv otila yo dékouvè nèg té ka viv an péyi Mèksik. Adan wouchach a yo, yo touvé tèt a nèg an lò, an kuiv é an awjil ki té tini laj a pli vyé sivilizasyon a kontinan Mériken-la. Sé èstati ka fè plizyè mèt wotè é ka pézé onlo tòn. Sé prèv-lasa ka montré nou kè nèg pa rivé asi kontinan mériken-la kon èsklav mé yo rivé kon mèt é sényè.
Dayè pèp Aztèk é Maya té ka adoré bondyé nèg kon Naualpilli é Quetzalcoalt (sèpan a plim-la). Lè Kristòf Kolon débaké asi kontinan Mériken-la, sé zendyen-la montré-y lenj é métal -gwanen- ki té ka sòti Giné. On dòt koté, sé pannyòl-la té tini kontak èvè sé nèg mériken-lasa. Zò té tini non a nèg kon Charruas (Brézil), Karibs (Senvensan), Jamassis (Florid)...
Zò tini osi on dénonmé Aboubakari (Mali) ki baké abò bato asi lanmè Atlantik-la pou-y té sav rivé asi kontinan Mériken-la. E i janbé dlo èvè on pakèt bato èvè-y! An réyalité nèg té ja ka navigé lontan avan Jézikri té vwè jou. Pli vyé bato-la ni 2600 lanné avan Jézikri é sé on bato éjipsyen.
800 lanné apépré avan Jézikri, on délégasyon sòti Nibi rivé asi kontinan Mériken-la é sé-y ki maké kilti a sé Òlmèk-la. Sé té an tan a farawon nèg adan 25 èm dinasti-la. Piramid, èstati, yéwoglif sé biten ou ka touvé ki an Afwik ki an Amérik.
Rèlijyon a sé Òlmèk-la menm biten ki ta afwiken. Zò ni fo bab pou sé prèt-la, zò ni rityèl a koulè poup-la ki sé on koulè a rwa é rèlijyon, zò ni sé moun-la ka sèvi èvè parasòl é on dòt mès é labitid otila moun ka mété on pyè vè adan bouch a sé mò-la. Mèksiken é éjipsyen ka sèvi èvè menm yéwoglif-la pou yo maké "solèy".

Alò kon nou tini prèv ki ka montré kè nèg té la avan blan, plis ki janmen fò nou défann péyi an nou Gwadloup kont sé kolon fwansé-la.

An nou chonjé 4 patriyòt ki disparèt

Par Shaka Zulu :: 24/07/2009 à 8:15 :: LISTWA

http://tbn2.google.com/images?q=tbn:x3l-AwMEOa2C0M:http://www.colby.edu/french/fr128/efdavis/images/Guadeloupe.jpg

24 juiyé 1984 - 24 juiyé 2009. Ka fè 25 lanné, on ka syèk 4 patriyòt gwadloupéyen  ba vi a yo ba péyi a yo. Non a yo Jack Berthelot, Francois Casimir, Michel Uranie é Fred Pineau. Kon tou lé lanné LiPLG ka rann yo omaj pou nou pa obliyé sakrifis a sé konbatan-lasa. 25 lanné apré plis ki janmen fò nou goumé pou détòtyé péyi-la. Konba a LKP ki ka sanblé on pakèt òganizasyon dwèt boujé osèryé an larèl politik-la davwa nou pé pa rété kon sa!

Gwan Zimbabwé

Par Shaka Zulu :: 11/06/2009 à 14:10 :: LISTWA
Pannan Lòksidan ka montré afwiken sé enki an kaz an pay yo té ka rété. Ni on koté otila on gwan sivilizasyon parèt 400 lanné avan Jézikri. Pèp Shona, prèmyé moun ki konstui gwan vil-lasa. On vil yo fè èvè wòch ki té ka kouvè 7 km2. On vil ki té gwandè a vil London an Anglètè. Gwan Zimbabwé diré jous owa 15 èm syèk-la. I té an mitan a on gwan anpir Munhumutapa. On vil otila yo té ka woté lò anba tè ay. Sa ka byen montré nou sété on gwan, rich é bèl sivilizasyon.

http://upload.wikimedia.org/wikipedia/commons/thumb/d/d6/Great_zimbabwe_2.jpg/280px-Great_zimbabwe_2.jpghttp://upload.wikimedia.org/wikipedia/commons/thumb/d/d9/Great-Zimbabwe-2.jpg/180px-Great-Zimbabwe-2.jpg
Yonn dé lantou a vil-la

GWAKAFWIKA - Blog créé avec ZeBlog