» GWAKAFWIKA (http://shakazulu.zeblog.com/)

Shaka Zulu

Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.

Calendrier

« Juillet 2017
LunMarMerJeuVenSamDim
 12
3456789
10111213141516
17181920212223
24252627282930
31 

Blog

Catégories

Derniers billets

Pages

Compteurs

Liens

Fils RSS

Bon fwadi si moun!

Par Shaka Zulu :: 17/06/2010 à 13:40 :: JEOGWAFI
Pannan match moun ja konstaté jouwè tini gan é tout piblik-la kouvè kon an péyi Fwans padavwa fwadi an zongonn a moun. Zò konpwann lè moun ka palé zòt dè Lafwik sé enki chalè ki tini? Awa, yè pannan match Afwik di Sid - Irigwèy, té ka fè O dègré! Té ka manké enki nèj pou tonbé é dayè ni on lanné an ka kwè an 1989, nèj té tonbé onlo Lézoto, on péyi ki an mitan Lafwik di Sid. Fò pa nou obliyé Lafwik di Sid ka touvé-y adan lémisfè sid-la é sé moun-la ka viv an wotè. Si nou ka pwan Lagwadloup, ki koté ka fè pli fwèt? Komin Senklòd! Kontrèman a péyi an-nou Gwadloup ki pwès owa lékwatè, zò ni on péyi kon Lafwik di Sid ola yo konnèt livè! Alò pa ni livè an Afwik? Wi!

http://www.tv5.org/TV5Meteo/carte/gif/villes/2.gif
Livè an péyi Afwik di Sid

Soufriyè an-nou an Ewòp alè!

Par Shaka Zulu :: 21/04/2010 à 8:55 :: JEOGWAFI

http://t1.gstatic.com/images?q=tbn:g1BxZY6zYIcdAM:http://blog.tigligli.com/wp-content/uploads/2008/06/soufriere_rando_guadeloupe.jpg
Soufriyè an-nou ka touvé-y
an Ewòp alè!

Yè swa andidan télé a yo, an ka tann prézantatèz-la ka di é an ké ba zòt li an fwansé : "Parmi les volcans les plus menaçants d'Europe, la Soufrière est classé en troisième position". Zò pé woutann li asi entèwnèt menm! Dèpi mouvman LKP-la, léta kolonyal fwansé plis ki janmen ka éséyé woupwan lanmen. Sé kon sa i tini prézantatè-jounal domèstik andidan télé a-y. Davwa fè moun kwè péyi an nou Gwadloup ka touvé-y an Ewòp, an ka di sa grav, grav toubòlman! 

On péyi a Karayib-la (2)

Par Shaka Zulu :: 13/04/2010 à 18:30 :: JEOGWAFI
                                           ANTIG E BAWBOUBA


http://upload.wikimedia.org/wikipedia/commons/thumb/8/89/Flag_of_Antigua_and_Barbuda.svg/125px-Flag_of_Antigua_and_Barbuda.svg.pnghttp://upload.wikimedia.org/wikipedia/commons/f/f9/LocationAntiguaAndBarbuda.png

Grandè
: 442 km2

Moun ki adan-y
: 69 842

Kapital a-y : Saint John's

Lang a-y : Anglé

Jou a lendépandans a-y : 1é novanm 1981

Èstati politik a-y : Monarchi

Chèf Déta : Elisabeth II

Gouvènè : Louise Lake-Tack

Prèmyé minis a-y : Baldwin Spencer

Lajan a-y : Dola ÈS-Karibéyen

Imn Nasyonal a-y : Fair Antigua, We Salute Thee (Antig ou jis é nou ka saliyé-w)


Antig é Bawbouda ki sé on péyi a laCARICOM.

On péyi a Karayib-la

Par Shaka Zulu :: 12/04/2010 à 18:30 :: JEOGWAFI
                                                             ANGIY

http://upload.wikimedia.org/wikipedia/commons/thumb/b/b4/Flag_of_Anguilla.svg/125px-Flag_of_Anguilla.svg.pnghttp://upload.wikimedia.org/wikipedia/commons/b/bb/LocationAnguilla.png

Grandè
: 102 km2

Moun ki adan-y : 13 677

Lang a-y
: Anglé


Èstati politik a-y
: Téritwa outrèmè anglé

Kapital a-y : The Valley

Chèf déta a-y : Elisabeth II

Gouvènè a-y : William Allistair Harisson

Prèmyé Minis a-y : Osburne Fleming

Imn nasyonal a-y : God Bless Anguilla

Dèviz a-y : Strength and Endurance (Fòs é souf)

Fèt Nasyonal a-y : 31 Mé (On jou ola yo ka fété révolisyon a lanné 1967)

Lajan : Dola ÈS-Karibéyen

PIB pou on moun : 27 900 dolla


Angiy sé on péyi a laCARICOM

Gana on péyi an pwent an pwent

Par Shaka Zulu :: 13/07/2009 à 12:40 :: JEOGWAFI
Alò kè Barack Obama mèt a mannyòk a Etazini ka di afwiken fò yo menné bato a yo yomenm a yo an péyi Gana, ban mwen montré zòt kay péyi-lasa Gana! On péyi ki té ansyen koloni a langlètè. Ansyen non ay sété Kòtdò davwa sé on péyi ki ni onlo lò. E dèpi lendépandans a péyi-la jou jou 6 mas 1957, i pwan non a on ansyen lanpir, lanpir Gana. Sé osi péyi a pèp Ashanti.  An larèl a lékonomi-la, Gana sé yonn dé péyi èvè Lafwik di Sid ki an pwent an pwent an Afwik èvè on pwodiksyon entéryè brit dè 8 620 milyon dola. Moun ka touché pou salè a yo 2 316 dola an mwayenn (plis ki SMIC fwansé).  Sé osi on gwan pwodiktè agrikòl èvè kakao (300 000 tòn pa lanné), kafé, kajou, pòyò...Sé yonn dé pli gwan pwodiktè a bòksit asi latè. Sé èvè bòksit-la moun ka fè aliminyòm. Sé sitou on gwan péyi a lò. Dèpi jou 7 désanm 2009, sé John Atta-Mills ki prézidan a Répiblik Gana. On péyi ki tini èstabilité politik!

http://upload.wikimedia.org/wikipedia/commons/thumb/1/19/Flag_of_Ghana.svg/125px-Flag_of_Ghana.svg.pnghttp://tbn1.google.com/images?q=tbn:QRxp8UmGE4hz4M:http://www.sankofa.asso.fr/ghana_fichiers/Cartes/ghanamap2.gif


Grandè : 238 540 km2
Moun : 23 382 848
Kapital : Accra
Léta : Répiblik
Prézidan : John Atta-Mills
Lajan : Cedi (GHS)
Imn nasyonal : Hail the name of Ghana


http://tbn0.google.com/images?q=tbn:T8jEErlwzqb9DM:http://www.traveladventures.org/continents/africa/images/kumasi3.jpg                  http://tbn2.google.com/images?q=tbn:9WAyQEUY_V5-ZM:http://images.encarta.msn.com/xrefmedia/sharemed/targets/images/pho/0005c/0005c0a7.jpg                         http://www.art-africain.com/ethno/lance_pierre_africain_baoule_6_small.jpg         http://www.art-africain.com/ethno/peigne-africain-ashanti-ghana-wp3_small.jpg
Rwa é Rèn Ashanti.                    Mas an lò Ashanti                  Jèspòm           Pègn a chivé
                                                   (18 èm syèk apré Jézikri).

http://tbn1.google.com/images?q=tbn:MGjBsUxx-3dH3M:http://images.encarta.msn.com/xrefmedia/sharemed/targets/images/pho/t073/T073509A.jpg                     http://3.bp.blogspot.com/_-J4pW0QxnfM/SJ8FBSswRPI/AAAAAAAAA0I/urboePHRXWA/s200/IMG_1315.JPG                         http://tbn3.google.com/images?q=tbn:1ue_2Meps7UcIM:http://www.boutiquesdemusees.fr/uploads/photos/70/70_l.jpg
Pwa yo té ka mèt an                    Koté moun ka pozé                On bwòch an lò
balans-la pou pézé lò-la               kou a yo lè yo ka dòmi.          ki ka rèprézanté on tòti.


                                                                                                                 
http://tbn3.google.com/images?q=tbn:0QcH2niDJNiLhM:http://www.religiousintelligence.co.uk/news/news_images/attamillslarge_ag5z.jpg John Atta-Mills prézidan a Répiblik Gana dèpi jou 7 désanm 2009.

Emisyon "Caraïbes" a télé Matnik

Par Shaka Zulu :: 08/06/2009 à 8:25 :: JEOGWAFI

http://tbn0.google.com/images?q=tbn:GDUwkjztcnlnMM:http://www.consodom.com/wp-content/uploads/mire-150x150.jpghttp://tbn2.google.com/images?q=tbn:BinCu1StDk-fcM:http://www.senat.fr/rap/r04-329/r04-3291.gif
Emisyon "Caraïbes" pou zò gadé
chak dimanch a 1 è dè laprémidi

Chak dimanch a 1 è dè laprémidi, an ka pòté mannèv pou mwen pa raté émisyon a Télé Matnik "Caraïbes". E sé kon sa yo montré on péyi a nèg, on péyi pwòp, on péyi otila politisyen ay rèsponsab, on péyi ki ka fòmé jénès ay osèryé. Non a péyi-lasa sé Bawbad. Lè an vwè sa, an di-mwen ki jan nou gwadloupéyen, nou vlé pa pwan chimen a rèsponsabilité? An byen vlé nou ni rèvandikasyon sosyal mé nou pé pa rété maré èvè fwansé pou létènité kon sa!
Matiniké dwèt ka santi-yo pli karibéyen ki nou davwa an pa ka konpwann pou ki nou gwadloupéyen nou pa ka mèt plis an wout asi sa. An ka di zòt, si a pa té moun Matnik, nou pa té ké ni pon kamo asi vwazen an nou an Karayib-la an télé-la.

Emisyon "Caraïbes" ka bay chak dimanch a 1 è dè laprémidi asi télé Gwadloup.

Ni on péyi ki métropòl?

Par Shaka Zulu :: 23/03/2009 à 15:25 :: JEOGWAFI
NASYON GWADLOUP
http://upload.wikimedia.org/wikipedia/commons/thumb/4/46/Map-guadeloupe.jpg/300px-Map-guadeloupe.jpghttp://data.domtomconnection.com/img/guadeloupe-largeflag.png
               

                                               
http://www.google.gp/images?q=tbn:fvIVIdwgzfx7DM::www.esrifrance.fr/iso_album/france_1.gif Péyi-lasa, kriyé-y Lafwans! Pa ni pon péyi asi latè non ay sé "Métropòl"!




Sonjé avan fwè é sè an mwen, moun Gwadloup té ka kriyé péyi-lasa Lafwans! Mé dèpi fwansé vin an péyi an nou kriyé "Métropòl, métropòl", pwès tout gwadloupéyen adan "Métropòl, métropòl". Ola ni on péyi asi latè non ay sé métropòl? Ola zò vwè sa? Fò nou arété èvè sé kalté biten-lasa! Zò enmé kriyé "Métropòl" mé zò pa ka kriyé Gwadloup Koloni. Davwa si ni "Métropòl" ni "Koloni". An plis di sa, zò vlé pa kriyé-zòt gwadeloupéyen, zò préféré kriyé-zòt "Domien", "Ultra-Marin", "Antillais". Pa ni pon péyi non ay sé "Antilles". Sé swa zò gwadloupéyen, swa zò matiniké, swa zò gwiyané! Dèpi 1848, Léta kolonyal fwansé fè on bèl travay andidan kabèch a pèp Gwadloup! Fò nou sòti adan sitiyasyon dè dominasyon-la! Nou sé gwadloupéyen, nou sé on pèp, nou sé on nasyon. E péyi-la ki ka twouvé-y a 8 000 km sé Lafwans! An ka woudi-y, pa ni pon péyi asi latè, non ay sé métropòl!
An plis di sa, pou on pati moun, "métro" sé enki blan. Alò nèg ki fèt an Fwans, zendyen ki fèt an Fwans, chinwa ki fèt an Fwans, arab ki fèt an Fwans, séla pa métro!

Pèp Gwadloup désann a 407 000 moun é monné!

Par Shaka Zulu :: 06/01/2009 à 14:00 :: JEOGWAFI

http://upload.wikimedia.org/wikipedia/commons/thumb/4/46/Map-guadeloupe.jpg/300px-Map-guadeloupe.jpg

Ève dènyé kontaj a pèp Gwadloup ki fèt, yo ka maké kè moun Gwadloup désann a 407 000 é monné alò kè yo té a plis ki 450 000. Pou ki? Sé padavwa Senmawten é Senbawtélémi ki té 2 komin a Lagwadloup, vin péyi otonòm. Si nou ka sanblé chif a Senmawten (35 000 moun) é chif a Senbawtélémi (plis ki 8000 moun), moun Gwadloup té ké rété a plis ki 450 000 é i té ké menm monté plis ankò. Adan lé lanné 80, gouvèlman fwansé té ka kriyé endépandantis Gwadloup séparatis. Alò an té ké mandé gouvèlman-lasa ka i fè lè i séparé Senmawten é Senbawtélémi èvè rèstan Gwadloup. Sé menm biten fwansé fè an péyi Komò èvè Mayòt.
Gwadloup é Senmawten sé dé koté otila nèg an majorité. Tini dè plis an plis moun yo ka konté an sé péyi-lasa. Mé èvè ki kalté moun i ka monté? Ès èvè ayisyen oben ès èvè éwopéyen? Fwansé vlé fè gwadloupéyen kouri dèyè ayisyen mé an menm balan-la fwansé é bannélo éwopéyen a yo ka rantré kon tilili an péyi Gwadloup. Yo bizwen fè Gwadloup vini kon Kanaky. Ni on pawòl manman mwen ka toujou di mwen: "Si pa té ni ayisyen é dominiké Gwadloup, blan té ké ni majorité an péyi-la padavwa gwadloupéyen ka lésé péyi a yo". Sé vré ni on dòt pawòl ka di : "Nati-la pa enmé biten vid".

Domnik:3 novanm 1978-3 novanm 2008

Par Shaka Zulu :: 04/11/2008 à 8:45 :: JEOGWAFI

http://www.antilles.ch/dominique/carte_la_dominique_r.gifhttp://upload.wikimedia.org/wikipedia/commons/thumb/c/c4/Flag_of_Dominica.svg/125px-Flag_of_Dominica.svg.png


Non ofisyèl ay: Commonweath of Dominica.
Kapital: Roseau.
Lang: Kréyòl, anglé.
Sistèm politik: Répiblik.
Prézidan: Nicholas Liverpool.
Prèmyé minis: Roosevelt Skerrit.
Grandè: 754 km2
Popilasyon: 72 514 moun.
Lajan: Dola OECS.
Imn nasyonal: "Isle of Beauty, Isle of Splendour"


3 novanm 1978 - 3 novanm 2008. Sa ka fè 30 lanné on zil ki anba an nou endépandan, non ay DOMNIK. Yè tout pèp Domnik, moun a péyi-la, moun an péyi déwò é moun an Karayib-la fété lendépandans adan on fèstival ki kay diré tout mwa novanm-la sa. Sa sé on biten dominiké ka fè chak lanné dèpi yo endépandan.
30 lanné lendépandans é jous a jodi jou pon dominiké poko manifèsté pou Langlètè wouvin kolonizé-yo. Sa ka fè 30 lanné yo endépandan é yo fyè dè sa. Moun ki kay Domnik ka byen vwè kè péyi-la sa ka vwè douvan'y. Yo pa an mizè kon sa yo vlé montré nou an Ayiti. Prèmyé minis a Domnik misyé Roosevelt Skerrit (36 lanné!) ka jéré péyi-la byen menm.Péyi-la ni lyannaj sèryé èvè dòt péyi a Karayib-la kon Vénézwèla, Kiba...I adan òganizasyon kon CARICOM, OECS. Brèf Dominik pa tou sèl.
Langlètè avan'y té rantré adan CEE-la té oblijé séparé'y dè onlo koloni i té ni an Karayib-la. E sé kon sa Langlètè avèti Ladominik pou'y té paré'y pou lendépandans. Kontrèman a Ayiti ki endépandan dèpi 1804, endépandans a sé péyi anglé-la sé té endépandans akonpanyé. Sa sé on gwo diférans. Ansyen prèmyé minis a Domnik Eugenia Charles té kont lendépandans é poutan sé li ki rété plis opouvwa lè péyi ay vin endépandan. Moun pé di sa yo vlé mé lè'w ou ni souvrènté sé on bèl biten.
E gwadloupéyen? Ka yo ka pansé dè kalté biten-la sa? E byen ni gwadloupéyen ki kay souvan Domnik é ki ka vwè kè kontrèman a sa yo vlé fè moun kwè, Domnik ka vwè douvan'y kon an té ka di. Moun Domnik ka rèspèkté laliwondaj a yo padavwa si yo krazé'y yo ké pwan gaz. Sitou Domnik, ni jenn politisyen rèsponsab!
Wi mésyézédam, gadé on ti-péyi kon Domnik ki adan larèl a péyi endépandan, ki ka négosyé èvè tout kalté nasyon asi latè, ki ni vwa ay LONI(ONU), brèf an réyalité on gwan péyi si'w gadé byen. Natirèlman pou péyi an nou Gwadloup, lendépandans pé ké réglé tout pwoblèm kon pou on bagèt majik mé gwadloupéyen té ké réglé pwoblèm yomenm a yo. Sé sa on péyi souvren. Gwadloupéyen, zò vlé rété anba pat a fwansé mé pa obliyé kè gouvèlman a yo ja di fò nou pwan rèsponsabilité an nou. An ja di'y dòt koté kè fwansé ké toujou la an péyi an nou mé yo ké lagé ti-bwen mòdan. E sé pou sa ni politisyen Gwadloup ki ka paré-yo pou sa. Mé ès réyèlman yo ka paré-yo pou on pwojé gwadloupéyen? Sonjé kè man Chèvry té fè on pwojé gwadloupéyen èvè moun pwogwésis an péyi-la é poutan sa pa anpéché gwadloupéyen tòpiyé pwojé-la sa. Wi, fò nou vwè pli lwen ki élèksyon (sitou pou sanblé inik-la), fò nou vwè divini a moun Gwadloup, divini a jénès Gwadloup, divini a péyi-la.

SENMAWTEN

Par Shaka Zulu :: 19/09/2008 à 14:40 :: JEOGWAFI
                                                                              SENMAWTEN



http://upload.wikimedia.org/wikipedia/commons/thumb/e/ec/Flag_of_Saint-Martin_%28local%29.svg/180px-Flag_of_Saint-Martin_%28local%29.svg.png
Drapo a Senmawten


Kapital : Marigot

Grandè : 53,20 km2

Estati politik : Kolèktivité téritoryal outrèmè fwansé

Lang : Kréyòl gwadloupéyen é fwansé

Lajan : Dola mériken é éro

Imn nasyonal : "O sweet Saint-Martin's land" é Marseillaise.

POLINEZI

Par Shaka Zulu :: 19/09/2008 à 14:25 :: JEOGWAFI
                                                                            POLINEZI


http://upload.wikimedia.org/wikipedia/commons/thumb/d/db/Flag_of_French_Polynesia.svg/140px-Flag_of_French_Polynesia.svg.png
Drapo a Polinézi


Kapital : Papeete

Grandè :
4 167 km2

Estati politk : Kolèktivité téritoryal outrèmè fwansé

Lang : Tayisyen, chinwa,fwansé

Lajan : Fwan Pasifik

Imn Nasyonal : Ora'O Thaiti Nui é Marseillaise


Ora'O Thaïti Nui
  yo ka chanté'y lè ni fèt a lotonomi a Polinézi é lè péyi a yo kay adan réinyon é manifèstasyon a èspò entèwnasyonal.

GWAKAFWIKA - Blog créé avec ZeBlog