» GWAKAFWIKA (http://shakazulu.zeblog.com/)

Gwoup C : Antiy Olandèz - Sentlisi 2-2
                 Sirinam - Giyana 0-2

Gwoup D : Sendomeng - Domnik 0-1

Dézyèm tou-la :

Gwoup E                   Gwoup F                              Gwoup G
Grènad                      Trinidad é Tobago                Antig é Bawbouda
Gwadloup                 Ayiti                                      Kiba
Senkis é Névis           Giyana                                  Sirinam
Pòtoriko                     Senvensan é Grènadin         Domnik                    

Gwoup C : Giyana - Antiy Olandèz 3-2
                 Sirinam - Sentlisi 2-1
Gwoup D : Domnik - Zil Vyèj Anglé 10-0

Koup Digicel a Karayib-la
Gwoup D :
14/10/10 : Sendomeng - Zil Vyèj Anglé 17-0 (Rèkò a on koup Digicel!).

Gwoup C : Giyana - Sentlisi 1-0
                 Sirinam - Antiy Olandèz 2-1

Koup Digicel a Karayib-la


Dézyèm tou :

Gwoup E :

GRÈNAD


GWADLOUP


  PÒTORIKO


SENKIS E NEVIS

Pou plis kamo asi Koup Digicel Karayib-la, ay asi Boul an Karayib-la (htpp://caribbeanfoot.over-blog.com/#

Gwoup B : Bawbad - Monséra 5-0
                 Senvensan é Grènadin - Senkis é Névis 1-1

Gwoup A : Angiy - Senmawten 2-1
                 Pòtoriko - Zil Kayiman 2-0

Gwoup B : Bawbad - Senkis é Névis 1-1
                 Senvensan é Grènadin - Monséra 7-0

04/10/10 : Zil Kayiman - Angiy 4-1
                  Pòtoriko - Senmawten 2-0

Koup Digicel Karayib-la 2010

Gwoup A : 02/10/10 : Senmawten - Zil Kayiman 1-1
                                   Pòtoriko - Angiy 3-1

* Sé ti-boug gwada-la ké rantré adan dézyèm faz-la èvè Grènad plis dé ékip a prèmyé tou-la.

Pou plis kamo asi koup Digicel Karayib-la, ay asi http://caribbeanfoot.overblog.com/

Kon an 2008, Gwadloup pwan twazyèm plas-la adan koup "DOM-TOM" a yo-la an vant a bèt-la. Kon an 2008, i gannyé match a-y 4-0 mé kou-lasa sé douvan Mayòt! Ludovic Gotin avan a CSM maké twa bi! On bèl pèfòmans ba jwè-lasa ki ja gannyé plas a-y pou Digicel a Karayib-la an bout a mwa òktòb-la!
Finalman sé Matnik ki gannyé tounwa-lasa douvan Réyinyon an pénalti (5-3) aprédavwa yo toulédé té fè bita-bita 0-0 adan sé 90 minit-la.

Koup "DOM-TOM" 2010 an vant a bèt-la

3èm plas-la :
Gwadloup - Mayòt 4-0

Final-la :
Matnik - Réyinyon 0-0 (5 pénalti a 3)

Ekip Gwadloup douvan Mayòt : Bus - Ictoi, Jérôme, Lambourde, Babel - Laurence, Hanany, Gomez (Pommier), Pascal (D. Mocka) - Tacita (Lafortune), Gotin.

Bi pou Lagwadloup : Ludovic Gotin (12èm, 26èm, 47èm), Minnji Gomez (28èm).

Klasman final-la :
1. MATNIK
2. Réyinyon
3. Gwadloup
4. Mayòt
5. Giyàn
6. Polinézi
7. Kanaky
8. Senpyè é Miklon

Palmarès :
2008 : Réyinyon
2010 : Matnik

Yè an vant a bèt-la, ékip nasyonal Gwadloup rivé kochi bèk a Matnik adan dènyé match a poul a-y. I fouté-y 2-0! Sé on bèl koufwan a Jean-Luc Lambourde é on bèl pichnèt a Dominique Mocka ki ba péyi an-nou prèmyé gannyé a-y. Kifè Lagwadloup ka fin dézyèm dèyè Matnik ki té ja kalifyé pou final-la. Dèmen vandrèdi, Gwadloup kay fasadé pou match pou 3èm plas-la èvè Mayòt. Fò pa nou obliyé tounwa-lasa ka sèvi-nou antrènman pou Digicel a Karayib-la ki kay komansé ban nou an bout a mwa òktòb-la an péyi Grènad.

Koup "DOM-TOM" 2010 an vant a bèt-la

Gwoup A : Mayòt - Senpyè é Miklon 10-0
                 Réyinyon - Giyàn 1-0
Klasman-la : 1. REYINYON 12 pwen (+13), 2. Mayòt 6 pwen (+9), 3. Giyàn 5 pwen (+6), 4. Senpyè é Miklon 0 pwen (-28)
* Réyinyon kalifyé pou final-la.

Gwoup B : Tahiti - Kanaky 1-1 (5 pénalti a 3)
                  Gwadloup - Matnik 2-0
Klasman-la : 1. MATNIK 8 pwen (+5), 2. Gwadloup 6 pwen (+2), 3. Tahiti 4 pwen (-3), 4. Kanaky 3 pwen (-4)
* Matnik kalifyé pou final-la.

Ekip a Lagwadloup douvan Matnik : Bus - Ictoi, Lambourde, Jérôme, Babel - Fautrai (D. Mocka), Laurence, Hanany (Michineau), Gomez - Tacita (Lafortune), Gotin.

Vandrèdi 1 òktòb :
Match pou 3èm plas-la :
Gwadloup - Mayòt

Sanmdi 2 òktòb :
Final-la :
Réyinyon - Matnik.

An vant a bèt-la, adan tounwa "DOM-TOM" a yo-la, sé ti-boug Gwada-la fè enki bita-bita èvè Polinézi yè dimanch (1-1). Sé Ludovic Gotin ki égalizé ba Lagwadloup. Apré, yo pèd adan séri a pénalti-la (4-2). Ki fè Lagwadloup ka touvé-y dènyé adan gwoup a-y. On konpétisyon lamantab ban nou!  Zafè a final yo pé woté sa an kabèch a-yo! Matnik li kant a-y pa fè ni yonn ni dé èvè Kanaky, i gannyé-y 4-0. Sé jwè Matnik-la èvè dé match gannyé, ja kalifyé pou final a sanmdi. Adan sé 18 gwadloupéyen-la, an ka vwè enki 7 jwè ki pé pwan plas adan Digicel-la ka vini la.

Koup "DOM-TOM" 2010 an vant a bèt-la

Gwoup A : Giyàn - Senpyè é Miklon 7-0
                 Réyinyon - Mayòt 2-1
Klasman-la : 1. Réyinyon 8 pwen (+12), 2. Giyàn 5 pwen (+7), 3. Mayòt 2 pwen (-1), 4. Senpyè é Miklon 0 pwen (-18)

Gwoup B : Matnik - Kanaky 4-0
                 Polinézi - Gwadloup 1-1 (4 pénalti a 2)
Klasman-la : 1. MATNIK 8 pwen (+7), 2. Polinézi 2 pwen (-3), 3. Kanaky 2 pwen (-4), 4. Gwadloup 2 pwen (0)
* Matnik ja kalifyé pou final-la.

Ekip a Lagwadloup douvan Polinézi : Bus - Lina (Babel), Jérôme, Lambourde, Ictoi - Pommier, Michineau - Gomez-
                                                           Pascal, Lafortune (Tacita) - Gotin.

Jwè ki pé pwan plas a-yo pou Digicel a Karayib-la : Bus, Mercury, Babel, Lambourde, Pascal, Lafortune, Gotin.

Fò zò sav pou Digicel-la, Roger salnot ké pé menné èvè-y sé pwofésyonèl-la. Alò fò pa zò konté touvé menm ékip Gwadloup-la pou dézyèm tou kalifikatif a Digicel-la an péyi Grènad an bout a mwa òktòb.

Nou mal rantré adan tounwa-la yo ka kriyé koup "DOM-TOM" an réjyon parizyenn-la an vant a bèt-la. Sé ti-boug Gwada-la fè enki bita-bita èvè ékip nasyonal Kanaky 1-1. Sé Michel Mahé ki wouvè mak-la ba Kanaky (55èm) é finalman Jean-Luc Lambourde jwè a Amical ka égalizé ba Lagwadloup (75èm). Aprésa kon larèl a konpétison-lasa vlé, nou rivé an pénalti é sé nou ki pèd 6 a 5. Kifè Lagwadloup ka touvé-y 3èm adan klasman-la dèyè Matnik ki gannyé fasilman Polinézi 4-1 é Kanaky ki gannyé nou an pénalti. Pwochen match a ékip nasyonal an-nou sé pou dimanch douvan Polinézi. On match nou dwèt gannyé é nou ka èspéré on nil antrè Matnik é Giyàn avan on dènyé manman match mèkrèdi douvan Matnik.

Ekip a Lagwadloup ki jwé douvan Kanaky :
Mercury - Lina, Jérôme, Laurence, Ictoi - Fautrai (Pascal), Lambourde, Michineau, Hanany (D. Mocka) - Lafortune, Tacita (Gotin).

Koup "DOM-TOM" 2010 an vant a bèt-la

Gwoup A
Réyinyon - Senpyè é Miklon 11-0
Mayòt - Giyàn 2-2 (4 pénalti a 2)
Klasman-la : 1. Réyinyon 4 pwen (+11), 2. Mayòt 2 pwen (0), 3. Giyàn 1 pwen (0), 4. Senpyè é Miklon 0 pwen (-11)

Gwoup B
Matnik - Polinézi 4-1
Kanaky - Gwadloup 1-1 (6 pénalti a 5)
Klasman-la : 1. Matnik 4 pwen (+2), 2. Kanaky 2 pwen (0), 3. Gwadloup 1 pwen (0), 4. Polinézi 0 pwen

Ekip nasyonal Gwadloup ka rantré jòd-la adan konpétisyon koup "DOM-TOM" douvan ta Kanaky an réjyon parizyenn-la. Tini dé lanné dè sa, Gwadloup té gannyé ékip-lasa 4-0. Nou ka èspéré Gwadloup ké ni menm rézilta-la! Adan prèmyé match a gwoup a Lagwadloup, Matnik kay bouwé èvè Polinézi. On match ki ja komansé pannan an ka maké ba zòt la.
Koup "DOM-TOM"-la komansé dèpi yè é Réyinyon pa fè ni yonn ni dé èvè Senpyè é Miklon ki té ka jwé pou prèmyé fwa a-y konpétisyon-lasa. Réyinyon pliché-y 11-0! Adan lòt match a gwoup-la, Giyàn é Mayòt fè bita-bita 2-2.

Ekip nasyonal Gwadloup kay fasadé èvè dòt péyi ki kon li toujou anba gyouk a fwansé adan on tounwa foutbòl yo kriyé koup "DOM-TOM". Sé ké dézyèm édisyon a-y! Gwadloup kay fasadé adan gwoup a-y èvè Kanaky (22/09), Tahiti (26/09) é Matnik (29/09). Ki moun kay pwan suit a Réyinyon lanné-lasa?

Koup "DOM-TOM" an vant a bèt-la 2010

Gwoup A : Réyinyon, Giyàn, Mayòt, Senpyè é Miklon

Gwoup B : Matnik, Gwadloup, Kanaky, Tahiti

Sé 18 gwadloupéyen-la (*) :

Gòl :  - Yohan Bus (CSM)
         - Fabrice Mercury (CSM)

Aryè : - Mickaël Lina (Evolucas)
          - Mathias Babel (AJSS)
          - Willy Laurence (Etoile)
          - Fabien Jérôme (Evolucas)
          - Jean-Luc Lambourde (Amical Club)
          - Marvin Michineau (AJSS)

Dèmi : - Audrey pommier (JSVH)
           - Vladimir Pascal (AS Dragon)
           - Dimitri Fautrai (Etoile)
           - Lerry Hanany (Gauloise)
           - Minnji Gomez (CSM)
           - Michel Lafortune (AJSS)

Avan : - Dominique Mocka (JSVH)
           - Ludovic Gotin (CSM)
           - Julien Ictoi (CSM)
           - Jonny Tacita (Phare)

Antrénè : Roger Salnot

* Sé enki jwè lokal misyé Salnot menné padavwa sé larèl-la ki vlé sa. Sé enki jwè ka woulé an péyi-la yo ka pwan. Pa kont pou "Digicel Cup" a Karayib-la, Lagwadloup ké pé woulé èvè jwè ka sòti an péyi déwò!
       

Gwadloup (an vè é nwè) douvan Bahamas
pou match pou méday dè bwonz-la an vil
Panamaribo (Sirinam)


Chanpyona Karayib-la (CAZOVA) 2010 an péyi Sirinam

Vandrèdi 6 out :

Gwoup A
Bahamas - Jamayik 3-0

Gwoup B
Bawbad - Gwadloup 3-2 (21-25, 25-17, 21-25, 25-15, 15-12)
Trinidad é Tobago - Antiy Olandèz 3-1

Sanmdi 7 out :

Gwoup A
Sirinam - Bawbad 0-3

Gwoup B
Trinidad é Tobago - Gwadloup 3-2 (25-18, 25-18, 27-29, 23-25, 15-9)
Bawbad - Antiy Olandèz 3-2

Vandrèdi 13 out

Gwoup B
Bawbad - Trinidad é Tobago 3-0

Kadèfinal
Gwadloup - Jamayik 3-2 (25-14, 17-25, 25-23, 16-25, 15-13)
Sirinam - Trinidad é Tobago 0-3

Dimanch 15 out :

Match pou 5èm plas-la
Sirinam - Jamayik 3-2

Dèmifinal
Trinidad é Tobago - Bahamas 3-2
Bawbad - Gwadloup 3-0 (25-16, 25-17, 25-21)

Match pou 3èm plas-la
Bahamas - Gwadloup 3-0 (25-8, 25-19, 25-19)

FINAL-LA
Trinidad é Tobago - Babwbad 3-0

* Trinidad é Tobago chanpyon Karayib-la 2010
* Gwadloup ka fin katriyèm.

Pon jounal Gwadloup pa palé dè sa, sé enki asi entèwnèt an touvé sa. Ekip nasyonal jinyò madanm Gwadloup ki té chanpyon a Karayib-la lanné pasé, jouwé chanpyona NORCECA (Lamérik di Nò, Santral é Karayib-la) an vil Tijuana an péyi Mèksik. Pou on prèmyé vini adan gwan konpétisyon-lasa, sé jenn gwadloupéyenn fè sa yo té pé. Fò di yo té tonbé adan on poul ki té rèd toubòlman èvè Etazini ki adan méyè ékip asi latè, Mèksik é Salvadò. Adan prèmyé match-la Gwadloup pèd 3 sèt a 0 douvan péyi òganizatè-la Mèksik (6-25, 11-25, 8-25). Pou dézyèm match-la yo pwan on plich ankò douvan Etazini 3 sèt a 0 (8-25, 7-25, 6-25). Adan twazyèm match-la, yo bay plis rézistans si nou pé di sa kon sa douvan Salvadò padavwa yo rivé gannyé on sèt, yo pèd 3 sèt a 1 mé yo maké lontan plis pwen parapòt a dé prèmyé match a yo (26-28, 25-22, 22-25, 20-25). Pou sé match dè klasman-la, Gwadloup woupèd fil a-y ankò douvan Salvadò é Trinidad é Tobago. Ki fè sé jenn gwadloupéyenn-la fin dènyé adan tounwa-lasa. Mé chonjé sété prèmyé vini a yo!

Chanpyona NORCECA jinyò madanm 2010 an vil Tijuana (Mèksik)

Gwoup A
Canada - Kòstarika 3-0
Sendomeng - Kòstarika 3-0
Sendomeng - Kanada 3-1

Klasman-la : 1 Sendomeng, 2 Kanada, 3 Kòstarika

Gwoup B
Pòtoriko - Trinidad é Tobago 3-0
Kiba - Trinidad é Tobago 3-0
Kiba - Pòtoriko 3-0

Klasman-la : 1 KIBA, 2 Pòtoriko, 3 Trinidad é Tobago

Gwoup C
Mèksik - Gwadloup 3-0
Etazini - Salvadò 3-0
Etazini - Gwadloup 3-0
Mèksik - Salvadò 3-0
Salvadò - Gwadloup 3-1
Etazini - Mèksik 3-0

Klasman-la : 1 ETAZINI, 2 Mèksik, 3 Salvadò, 4 Gwadloup

Match pou 7èm a 10èm plas-la

Salvadò - Gwadloup 3-0
Kòstarika - Trinidad é Tobago 3-0

Kadèfinal

Sendomeng - Kanada 3-0
Mèksik - Pòrotiko 3-1

Match pou 9èm plas-la
Trinidad é Tobago - Gwadloup 3-0

Match pou 7èm plas-la
Kòstarika - Salvadò 3-0

Dèmifinal

Etazini - Mèksik 3-0
Sendomeng - Kiba 3-1

Match pou 5èm plas-la
Pòtoriko - Kanada 3-0

Match pou 3èm plas-la
Kiba - Mèksik 3-0

FINAL-LA

Etazini - Sendomeng 3-0

* Etazini chanpyon jinyò NORCECA 2010

* Etazini, Sendomeng, Kiba ka kalifyé-yo pou chanpyona di mond jinyò 2011 an péyi Pérou.

Klasman final-la

1. ETAZINI
2. Sendomeng
3. Kiba
4. Mèksik
5. Pòtoriko
6. Kanada
7. Kòstarika
8. Salvadò
9. Trinidad é Tobago
10. Gwadloup

60èm lantou entènasyonal siklis Gwadloup 2010

8èm étap (1é twonson : Kapèstè - Twarivyè)
1. Miguel Ubeto (Vénézwèla)
2. Philippe Palmiste (Gwadloup)
3. Freddy Vargas (Vénézwèla)

8èm étap (2èm twonson : Bayif - Senklòd)
1. Edwin Sanchez-Anzola (Kolonbi)
2. Andrey Mizurov (Kazakstan)
3. José Chacon (Vénézwèla)

9èm é dènyé étap-la (Gozyé - Lapwent)
1. Edwin Nicolson (Gwadloup)
2. Ludovic Exfort (Giyàn)
3. Yannick Claudeon (Gwadloup)

Klasman jénéral final-la
1. Francisco Mancebo (Èspagn)
2. Boris Carène (Gwadloup) a 44s
3. Edwin Sanchez-Anzola (Kolonbi) a 1min 41s

60èm lantou entènasyonal siklis Gwadloup 2010

7èm étap-la : (Bouyant - Kapèstè Bélo)
1. Juan-Pablo Wilches (Kolonbi)
2. Francisco Mancebo (Èspagn)
3. Boris Carène (Gwadloup)

Klasman jénéral-la
1. Francisco Mancebo (Èspagn)
2. Boris Carène (Gwadloup) a 4s
3. John Navas (Vénézwèla) a 1min 32s

On bèl woulo ba jenn siklis Gwadloup padavwa ékip a "Club Région Guadeloupe" fè on bèl travay. Tout ékip-la woulé fò douvan ba lidè a-y! Yo menné-y an pyé a montagn-la! An atlétizm, yo ka kriyé sa fè lyèv. Olivier Curier rivé dézyèm Bouyant, komin-la ola i tini lonbrik a-y ki téré. Adan klasman jénéral-la, Curier mayo jòn èvè 1min 51s asi vénézuélyen-la Becerra é 3min 08s asi pannyòl-la Mancebo. Adan sé di prèmyé a klasman jénéral-la, ou ka touvé kat gwadloupéyen, on biten lontan pèp Gwadloup pa té ko vwè! Aprézan toutmoun ka mandé-yo :" Ès on gwadloupéyen ké pé gannyé lantou-lasa?". Olivier Curier ké tini onlo goumé pou'y kenbé mayo-la, Boris Carène limenm a-y poko di dènyé mo a-y. Alò nou ké la pou nou vwè!
 
On dènyé biten! An pa ka pwan moun vini kon fwansé, kon misyé "Luc Leblanc"-la ka vin wouvè gèl a-y é vin mal palé siklis Gwadloup! Ou sé on moun vini, ou pa konnèt mès é labitid a péyi-la é ou ka vin wouvè gèl a-w pou di gwadloupéyen pa sav kouri bisiklèt?!! Si sé pou vin mal palé nou, pa lapenn déplasé Gwadloup, rété an péyi a-w! A pa padavwa ou vin chanpyon di mond pa aksidan, ou ka pèwmèt vou vin ba gwadloupéyen lèson! Gwadloupéyen, tèknisyen gwadloupéyen sav sa yo ni pou fè pou siklis an-nou vansé!

60èm lantou entènasyonal siklis Gwadloup 2010

6èm étap-la (Zabim - Bouyant)
1. Edwin Becerra (Vénézwèla)
2. Olivier Curier (Gwadloup)
3. Christophe Bétard (Matnik)

Klasman jénéral-la
1. Olivier Curier (Gwadloup)
2. Edwin Becerra (Vénézwèla) a 1min 51s
3. Francisco Mancebo (Èspagn) a 3min 08s