» GWAKAFWIKA (http://shakazulu.zeblog.com/)

Shaka Zulu

Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.

Calendrier

« Septembre 2017
LunMarMerJeuVenSamDim
 123
45678910
11121314151617
18192021222324
252627282930 

Blog

Catégories

Derniers billets

Pages

Compteurs

Liens

Fils RSS

Lò a gwadloupéyen dwèt rété an péyi a-yo!

Par Shaka Zulu :: 16/10/2010 à 14:00 :: Ekonomi

http://t2.gstatic.com/images?q=tbn:ANd9GcT-9VhAm3odkvOIV1i7JH7STwla-LyHxgSG6arpKMJIlB-VB_U&t=1&usg=__MnVK3mbp_7Xcj_0GewEUA3vNC7A=http://t3.gstatic.com/images?q=tbn:ANd9GcTKkew_ghVo_th0CXy4wsI6JAMpsbrKtrNeKqIWwC1x2zBLyQw&t=1&usg=__7dgby-KtZzU6NokU97mAXxCAbGM=http://t0.gstatic.com/images?q=tbn:ANd9GcQK3nTel_zzURKErFNNDcQ8Qhu4tLtj4guemVVizDO1y2rgNq4&t=1&usg=__j4XmEy9tEHP6NIk_CYiQIg953ZA=
Lò a gwadloupéyen dwèt rété an péyi a-yo!



Kriz mondyal vin pété, lò-la asi marché mondyal-la monté anflèch! Lò-la monté a 200% an apenn 10 lanné. Moun maléré ki bizwen lajan oblijé ay vann lò yo tini pou yo sòti-yo dafè. Mé pwoblèm-la si on moun bizwen vann lò a-y, i pé ké rékipéré valè a lò-la menm mé valè a pwa a lò-la. Kivédi yo ké achté-y an men a-y asi valè a pwa a-y. On èkzanp, on bijou a 18 kara a 10 gram ki ni on valè a 360 éwo, si on moun ka vann li ba on awtizan, sa ké kouté-y 10X10= 100 éwo. (100<360). Rézilta, pisimyé on moun vann ba on moun ki pa ka woulé an larèl a lò-la. Malérèzman, konm moun-la bizwen gannyé lajan pas zafè a-yo mélé, yo pa kay aka awtizan gwadloupéyen-la, yo kay aka sé miltinasyonal-la ki tini mwayen bay plis lajan. Rézilta menm bijou a 10 gram-la ké kouté aka sé miltinasyonal-lasa 10X18 = 180 éwo. (180>100). Alò pisimyé moun-la ay aka sé mésyé. Mé sa moun pa sav la, lò-la sé miltinasyonal-la ka achté an men a gwadloupéyen pa ka rété an péyi-la. Lò-la yo ka menné-y an péyi éwopéyen, yo ka fonn lò-la pou yo fè dòt bijou oben ankò yo ka mété sé lengo-la adan kòf a-yo. Lè on moun ka vann lò-la ba sé miltinsayonal-la, lò-la pa ka rété Gwadloup mé si menm moun-lasa ka vann li ba on awtizan Gwadloup, lò-la ka rété an péyi-la. E an pa sav si zò sav, lò-la ka sèvi sékirité adan on péyi si an ka pa ka.  

Nou pa vlé pò an fonn-lanmè a yo!

Par Shaka Zulu :: 27/04/2010 à 8:45 :: Ekonomi
Dèpi déotwa jou asi jounal, radyo é télévizyon a yo, yo ka basiné moun toutlajouné èvè zafè a pò an fonn-lanmè a yo. Kivédi, sé gwo kapitalis-la bizwen gwandi pò-la é fon a lanmè-la Jarry pou sé gwo manman bato-la vin débaké an péyi an-nou. Konm yo ka gwandi osi kannal Panama pou i pé wousivwè pli gwo bato ankò, kapitalis ka éséyé plasé-yo an péyi an-nou. Zò konpwann sé enki pyès a machin sé gwo bato-lasa ké voyé ban nou? Awa, yo ké voyé ban nou osi tout kalté pwodiksyon agrikòl ki sòti an péyi déwò. Nou kay ni zoranj ka sòti Izraèl, nou kay ni pòyò ka sòti Kamèroun, nou kay ni mèlon ka sòti an péyi Grès, nou kay ni mannyòk ka sòti péyi Gabon é kisisi é kisila. Brèf, tout pwodiksyon agrikòl Gwadloup ké an danjé! E a pa enki Gwadloup ki an danjé mé tout Karayib-la padavwa Gwadloup ké sèvi pou chayé tout sé marchandiz-lasa adan tout réjyon Karayib-la. Nou gwadloupéyen, fò nou lévé gawoulé kont biten-la! Pò an fonn-lanmè, nou pa vlé sa an péyi an-nou! Yo bizwen mofwazé Gwadloup adan on péyi a masòn pou sé blan-la vin anmizé mé nou pa dakò! Fò nou gadé tè agrikòl an-nou davwa si on jou bato é avyon pa ka débaké Gwadloup, ka nou ka fè? Ès sé masòn nou ké manjé? Awa! On péyi dwèt ba pèp a-y manjé! Olyé manjé a yo ban nou maladi, an nou manjé sa ki tan nou!



http://t2.gstatic.com/images?q=tbn:rdBmKBM2PwbmyM:http://lettres.histoire.free.fr/lhg/geo/geo_monde/Monde1/eco/Docphoto_mondialisation_port_singapour2.jpghttp://t1.gstatic.com/images?q=tbn:vM4FEDoAwuZAOM:http://www.lesmanantsduroi.com/Images13/singapour-port1.jpghttp://t1.gstatic.com/images?q=tbn:F8GtcZsE7fPNRM:http://www.journaldunet.com/economie/transport/photo/les-porte-conteneurs-les-monstres-marins-du-commerce-mondial/image/asie-325616.jpg
Mi sé kon sa, yo bizwen rann péyi Gwadloup! Yo bizwen fè Gwadloup vin
nouvo Sengapou a Karayib-la!

Lè foumi ka fè nich a yo

Par Shaka Zulu :: 14/12/2009 à 14:45 :: Ekonomi

http://t3.gstatic.com/images?q=tbn:MvovPTwvPUsdoM:http://www.lesaffaires.com/uploads/images/normal/d64fbbf6948a7f8da911251010bf29ad.jpghttp://t1.gstatic.com/images?q=tbn:BpFhHTRV2TKL6M:http://www.canalmonde.fr/r-tourisme/annuaire-office-tourisme-etranger/pays-h/ile-haiti/_fichiers/HT_NUTS1_FRS.jpg
Pli gwan bato yo fè asi latè kòsté
pa ni lontan Labadi an péyi Ayiti.


Pli gwan maréchal manman bato ka chayé moun yo fè asi latè baké adan on péyi a Karayib-la. Kilès? Jamayik? Bawbad? Antig? Kiba? Pòtoriko? Zil Kayiman? Sentlisi? Senvensan? Grènad? Trinidad? Domnik? Matnik? Gwadloup? Awa léfwè, i baké...Ayiti! I baké owa on lankongni yo ka kriyé Labadi! Yo di lè sé touris-la mété pyé a yo a tè, yo té kontan toubòlman! Yo té kontan vwè bèlté a péyi-lasa! Wi mésyé, zò konpwann sé enki koté kon Sité Solèy ki ni an Ayiti? Télévizyon a lòksidan toujou ka montré moun Sité Solèy mé i pa'a jen montré bèl koté ki ni an péyi Ayiti. E konm ni on bon pati a gwadloupéyen ki pa'a réfléchi, yo ka konpwann tout Ayiti ka sanm Sité Solèy! Pa obliyé foumi ka fè nich a yo! Moun ka vwè Ayiti an kakakòk mé tansyon! Tansyon fwè é sè Gwadloup! An toujou di péyi-lasa on jou ké vwè douvan-y, péyi-lasa on jou ké woté pyé a -y adan vyé soulyé! Minis ayisyen a tourizm déklaré yo ni lentansyon ranjé vil Kap-ayisyen pou gwan bato kòsté. E nou sav lè bato ka kòsté asi ké, yo ka péyé on gwo manman lajan. Kon sa bon enpé lajan ké rantré adan kalbas a léta ayisyen é si pa tini onlo kowipsyon, pèp ayisyen ké woupwan doubout ay. Kontrèman a sa yo vlé fè nou valé, pèp ayisyen sé on pèp ka woulé rèd! Nou ni ka vwè jan yo ka woulé an péyi an nou Gwadloup. Alè-la ayisyen ka fè sa on pati a gwadloupéyen ka rèfizé fè! Ayiti tini on dyaspora ki enpòwtan é dyaspora-lasa ka voyé lajan an péyi a-y. Gwadloupéyen, kontinyé fè jé èvè ayisyen mé pa obliyé foumi ka fè nich a yo! An ka di zòt on biten, ayen pa'a di nou adan 20, 30 lanné nou pé'é vwè on jou gwadloupéyen ka imigré an Ayiti! Kontinyé fè jé èvè yo, lè foumi ka fè nich a yo, i pa'a lévé digad krikèt ka dansé!

Yo signé on akò pou on chimen ant Kay é Jérémi

Par Shaka Zulu :: 27/08/2009 à 14:40 :: Ekonomi

http://www.lenouvelliste.com/images/nouvelliste/2009-04-23/sm_img_6749.jpg
Yo signé akò pou chimen ant Kay
é Jérémi

Minis a travay piblik enjényè Jak Gabriel é rèprézantan pwensipal a firm entènasyonal brézilyen-la Consrutora OAS ltd, Cezar Uzeda  signé on akò pou on chimen ant vil Kay é vil Jérémi an Ayiti.On chimen kay kouté yo pwès 95 milyon dola. On chimen Kanada, BID (an fwansé : Banque Interaméricaine de Développement) é Léta ayisyen kay péyé. Sé sa an ja las èspliké moun! On péyi endépandan pa ka viv tousèl ay. Sé vré gouvèlman Ayiti té pé fè sé chimen-la limenm ay. Mé pou lè moman, dòt nasyon ka envèsti an péyi Ayiti. Dayè Ayiti pa tini chwa si'y bizwen woté pyé ay adan vyé soulyé Lafwans é zanmi ay fouté-y la. Ayiti bizwen chimen ka travèsé péyi ay pou'y pé sav asiré transpò a moun é marchandiz. Sa ki ké soulajé pèp-la é ékonomi ay toubòlman.

Yo bizwen vrèman fè gwadloupéyen manjé sa ka sòti déwò!

Par Shaka Zulu :: 14/08/2009 à 9:00 :: Ekonomi

http://tbn3.google.com/images?q=tbn:yt6PFv-cxsB9lM:http://www.atout-guadeloupe.com/photo/702856-859996.jpg

Zò pé vwè-y asi entènèt! Jounal a télé Gwadloup montré, éwopéyen ka fouté asi pò Jarry-la on kalté gwan bik otila yo kay mèt tout kalté manjé fwadi. Yo di sé'y ki pli gwan adan Karayib-la. Konm bik-lasa owa pò-la, zò ka byen konpwann a pa pwodui lokal yo kay mété fwadi. Sé enki pwodui ki sòti lòtbò! E moun ka di Domota fou? Yo ka grandi fon a lanmè Jarry pou yo fè baké gwan bato an péyi-la. Gwadloup ké sèvi Léwòp on gwan hanga otila yo ké chayé tout salopwi a yo adan Karayib-la. Sé vré! Yo bizwen vrèman fè gwadloupéyen manjé sa ka sòti déwò!

Esans ké òkmanté an mwa sèptanm-la?!!!

Par Shaka Zulu :: 24/07/2009 à 15:10 :: Ekonomi

http://tbn2.google.com/images?q=tbn:x3l-AwMEOa2C0M:http://www.colby.edu/french/fr128/efdavis/images/Guadeloupe.jpghttp://tbn2.google.com/images?q=tbn:Ry1e0Hr_JJtGmM:http://www.sara.gp/raf/content/NT00005FBE.jpghttp://tbn2.google.com/images?q=tbn:ahNSKSaU7b3yEM:http://www.miwim.fr/blog/ressources/total2.jpg

Man Panchard, domèstik a Léta kolonyal fwansé anonsé asi radyo, jounal, télé kè ésans-la ké sibi on òkmantasyon an mwa sèptanm-la ka vini la. An tann jòd-la gouvènè-la palé. I di konm baril pétròl-la òkmanté sé pou sa ésans-la ké monté an péyi-la (dapré-y!). Mé ipokrit-lasa ka déklaré sa pé ké on gwo òkmantasyon. Blag a mas! Nou tout sav si nou pa véyatif sé mésyé ké monté pri a ésans-la ho kon sa! E sé pou sa mèt a mannyòk a LKP ja avèti. Si Léta kolonyal fwansé èvè domèstik ay ka kontinyé fouté pan mal dè gèl a pèp Gwadloup, an mwa sèptanm-la menm mobilizasyon ka woupwan (pa obliyé sé enki sispann i sispann!). Fò pa moun wouklé apré lè LKP ké mèt an wout! Pli gwo aksyonnè a laSARA sé TOTAL. Sosyété TOTAL ki ka volé tout ésans Gabon, Kongo é Angola tini. TOTAL ki ka finansé pati politik an Fwans. TOTAL ki fè on bénéfis a 13 milya é monné éwo! Alò an ka woudi-y fò pa Léta kolonyal fwansé èvè domèstik ay fè jé èvè tèt a gwadloupéyen!

INVESTIS

Par Shaka Zulu :: 24/07/2009 à 15:00 :: Ekonomi

http://tbn2.google.com/images?q=tbn:x3l-AwMEOa2C0M:http://www.colby.edu/french/fr128/efdavis/images/Guadeloupe.jpghttp://tbn1.google.com/images?q=tbn:hzOFtsin54gsqM:http://img.over-blog.com/500x456/0/54/18/23//multi.jpeg

INVESTIS. Ka sa yé sa ankò? INVESTIS sé on gwoup moun ki sanblé-yo pou yo mété lajan an péyi-la. Non an fwansé ay sé "Société Financière des Iles de Guadeloupe". Nou sav lantoupriz Gwadloup, kivédi lantoupriz a gwadloupéyen (désandan a afwiken é zendyen) sé plito PME (an fwansé : Petites et Moyennes Entreprises) é TPE (an fwansé : Très Petites Entreprises). Fò pa nou ay konfonn lantoupriz Gwadloup èvè ta béké, blan péyi é siro-libanè.  Sé padavwa PME é TPE pa ni lajan yo kréyé INVESTIS. Jous a jòdi-jou 300 moun ja mété lajan adan sosyété-lasa é yo ké anonsé kapital-la jou 08 out ka vini la. INVESTIS pé rédé on lantèprènè sèryé ki vlé woupwan on lantoupriz an pwoblèm. Gras a INVESTIS, i ké touvé lajan a dispozisyon ay. Lè on moun ka envèsti Gwadloup sé on bon mwayen pou péyé mwens enpo. Sé vré, olyé nou voyé lajan an nou ba Léta kolonyal fwansé, lajan-lasa fò'y rété an péyi-la! San konté nou ni on laliwondaj ki sé Karayib-la. Tout nasyon an Karayib-la ka fè konmens. Sé enki nou ka manké! An toujou di libérasyon a nasyon Gwadloup dwèt pasé pa on lékonomi ki ké an men a gwadloupéyen. E lè an di gwadloupéyen, an vlé palé dè majorité a moun ki an Gwadloup kivédi nèg é zendyen.

Pou jaden an nou pa pousé enki asi bato

Par Shaka Zulu :: 06/07/2009 à 7:55 :: Ekonomi

http://tbn2.google.com/images?q=tbn:BE_2pwkyApj4QM:http://www.viacampagnola.com/liens/upg.jpg
Sanmdi pasé LiPG (UPG) té ka òganizé on gwan marché agrikòl an komin Bémaho. On biten ki enpòtan toubòlman padavwa fò moun bityé pèp-la manjé pwodui a péyi-la osi. An byen di adan tit-la "Pou jaden an nou pa pousé enki asi bato" davwa pou lè moman sa pa posib nou manjé enki pwodiksyon lokal. Jòdi-jou balans-la plito asi 80% pwodui vini kont 20% lokal. Sa té ké bèl si nou konsomé 60% lokal kont 40% pwodui vini é pétèt plita 80% lokal kont 20% pwodui vini. Sa sé travay a LiPG. Kon an toujou di-y pou tini souvrènté nasyonal fò komansé pa ni on souvrènté agrikòl.

Sistenm kapitalis a yo

Par Shaka Zulu :: 18/05/2009 à 14:05 :: Ekonomi

http://tbn2.google.com/images?q=tbn:pujqNz0xb0UfqM:http://www.leblogenergie.com/images/2007/08/16/billets.jpghttp://tbn3.google.com/images?q=tbn:m9iLOHqPy3GgHM:http://lepetitmoi63.unblog.fr/files/2007/08/bourse.bmp
Mi sistenm kapitalis a yo :

On lantoupriz ka fè bon bénéfis. Ka yo ka désidé fè èvè bénéfis-la?
- 57 % adan bénéfis-la kay pou envèstisman, a lalimit nou pé konpwann sa!
- 35% kay ba sé aksyonnè-la, sa ki ja on krim!
Mé pli bèl-la ka vini.
- Sé enki 7% a bénéfis-la kay adan pòch a travayè.

Mi on bèl limanité!

Lò, awjan, kuiv an Ayiti?

Par Shaka Zulu :: 14/05/2009 à 9:15 :: Ekonomi

http://tbn2.google.com/images?q=tbn:amgOErfdHPPOVM:http://www.lefigaro.fr/medias/2007/09/24/20070924.WWW000000520_6435_1.jpghttp://tbn2.google.com/images?q=tbn:GiUKKQpQTQVWWM:http://idata.over-blog.com/2/09/73/41/290px-Haiti_map.png
Yo dékouvè min lò an Ayiti!


On gwo lantoupriz "Eurasian Mineral INC" (EMX) dékouvè an mwa avril pasé, dé min ki té ké ni lò, awjan é kuiv asi Nò-wès a Ayiti.  Déja lanné pasé EMX té dékouvè on prèmyé min toujou menm koté-la. Sa ki ka fè on grandè dè 281 858 èkta tè pou yo èspwaté.

On bon nouvèl ba Ayiti. Mé ès richès ww a péyi-la ké pwofité ba pèp-la? Sa sé gwan manman kèsyon-la. An toujou di ni mwayen pou Ayiti sòti an kaka-la fwansé é bannélo ay mété-y la. Si ni richès an Ayiti, an senten Gwadloup ni tay osi. Mé kon yo ka di "Secrêt d'Etat". Lendépandans sé on biten posib ban nou!

Pou plis kamo gadé:  www.eurasianminerals.com/s/Haiti.asp

                                  www.marketwire.com/press-release/Eura
                                

Lè Kongo : Mi gachi mi!

Par Shaka Zulu :: 15/01/2009 à 14:45 :: Ekonomi

http://upload.wikimedia.org/wikipedia/commons/b/b9/Congo_Rep_Dem_carte.gifhttp://upload.wikimedia.org/wikipedia/commons/thumb/6/6f/Flag_of_the_Democratic_Republic_of_the_Congo.svg/125px-Flag_of_the_Democratic_Republic_of_the_Congo.svg.png
RD Kongo, on péyi ki té pé on gwan puisans asi
latè.

"L"argent appelle l'argent! (http://fr.youtube.com/watch?v=3EERHEsFKDw)" Sa sé on son makosa a Pamelo Mounk'a (Kongo-Brazavil) ki mwen té enmé onlo lè mwen té an vant a bèt-la. On son ki té sòti an 1983 an ka kwè. Mi sé la pwoblèm a Lafwik, lajan, toujou ka manké lajan é lè ni lajan sé pou fè biten initil. Kongo sé té on gwan rwayòm avan rivé a kolon éwopéyen. E sé kon sa éwopéyen rivé séparé gwan rwayòm-lasa an twa mòso. Pli gwo mòso-la té pou Labèljik (Kongo-Kinshasa ki ké vin apré Zayir é apré RD Kongo), dézyèm mòso-la ba Lèpòwtigal (Angola) é dènyé-la ka rété-la ba Lafwans (Kongo-Brazavil). Si nou ka pwan Kongo-Kinshasa, sé on péyi ki ka fè 5 fwa Lafwans, 20 fwa Labèljik é poutan sé té kaz a Léopold II, rwa a sé bèlj-la. On péyi ki ni tèlman dyaman adan-y kè sé èstad-la nou té vwè an Almagn an moman a lakoup di mond foutbòl, i pé 100 èstad kon sa! An pa sav si sa chanjé mé èstad-la nasyonal a yo Kinshasa té pli mové ki chèpi. Lòksidan sav byen sa i fè lè i té kyouyé Patrice Lumumba pou'y té fouté Mobutu an plas ay. Kongo rich é poutan tout richès-lasa ay adan pòch a sé blan-la é adan ta Mobutu. Pèp-la limen pa jen vwè koulè ay é jous aprézan lanné apré mò a Mobutu, ayen pa chanjé. On péyi kon Lèkongo té pé vin pli fò ki lé Zétazini tèlman i gwan é rich. Mé ni on pawòl ka di kè richès a Lafwik fè malè ay. Rèv an mwen sé té vwè on jou tout sé péyi-lasa woulévé tèt a yo é kon sa Lafwik pa té ké menm bizwen dòt kontinan pou'y té fè zafè ay! Nou pé ké la pou nou vwè sa mé an ka kwè sa ké fèt padavwa an ni fwa adan kontinan-lasa, nèg pé pa toujou rété pli ba ki tè toultan. 

Ekonomi adan Karayib-la

Par Shaka Zulu :: 23/08/2008 à 13:36 :: Ekonomi

           Sentlisi : Gouvèlman-la ka mandé yo tan pou i pé sinyé akò APE-la.



http://upload.wikimedia.org/wikipedia/commons/thumb/3/3f/Saint_Lucia_geography_map_en.png/180px-Saint_Lucia_geography_map_en.png

                                 Castries : Lendi pasé, gouvèlman a péyi Sentlisi mandé moun ba'y tan réfléchi avan i sinyé akò APE-la (Akò Patènarya Ekonomik) èvè Léwòp. Stephen King prèmyé minis-la di kè ékip ay pwan dòt pozisyon aprédavwa yo tann Nicolas Sarkosy palé asi pozisyon a sé péyi Karayib-la.Misyé Sarkosy di kè sé péyi karayib-la dwèt wouvwè pozisyon a yo. Sé vré kè onlo moun an Karayib-la pa dakò èvè sé kalité akò-la sa. Ou ni ékonomis é on péyi kon Gwiyana ki pa dakò èvè sa.

Moun a lopozisyon a Parlèman sentlisyen vlé kè gouvèlman a péyi-la palé èvè yo. Sonjé kè moun kay fin sinyé sé akò-la sa on fwa on fwa Bawbad jou 2 sèptanb-la ki ka vini. Sé akò APE-la sa dwèt ranplasé ansyen akò-la ki té ni ant Léwòp é sé péyi ACP-la(Afwik,Karayib,Pasifik) padavwa yonn a lòt é règ a LOMC (Owganizasyon a Konmens Mondyal) pa té rèspèkté adan sa. Moun vlé kè bokantaj ant Léwòp é sé péyi ACP-la dwèt fèt a 90% mé ayen pa senten davwa sé péyi ACP-la ka voyé yenki 2,9% mawchandiz a yo Léwòp alò kè yo té ka voyé 7% té ni 30 lanné dè sa. Evè dòt règ, sé akò APE-la ké fè bokantaj a konmens andidan Karayib-la fèt pli fò ankò mé sa vlé di osi kè éwopéyen ké fè vini mawchandiz a yo pli fasilman andidan Karayib-la é kyouyé tout konmens a sé péyi Karayib-la.

Fè ésans ba'w é non ba Léta kolonyal fwansé!

Par Shaka Zulu :: 16/08/2008 à 15:24 :: Ekonomi

An ka li adan on jounal kè manblo ponnyé Déhé on boug ki té ka fè ésans èvè lwil a manjé. Sé lwil moun pa ka sèvi ankò alò misyé té kay adan tout rèstowan mandé si yo pa ni lwil izajé. Misyé té ka pwan sé lwil-la sa é i té ka mété yo adan bak a ésans a loto ay.Mé la vwa bay kè ni on misyé ka sèvi èvè sé lwil-la sa alò sa ki fè on jou lendi maten manblo débaké a kaz a misyé. Moun vwè i té ni onlo résèv a lwil a kaz ay alò sé manblo désidé fè'y pasé on penn. Pouki biten? Padavwa misyé pa ka péyé taks ba Léta kolonyal fwansé! Sé pou sa sé manblo-la an kyou ay kon sa! Esans ka vin dè pli san pli chè é moun vlé pa gwadloupéyen fè débouya a kaz a yo? Dèpi Léta fwansé pa ka touché ayen i toujou la pou fann kyou a moun! Sa fò nou konprann an péyi gwadloup ni mako é makrèl ka véyé tou sa ou ka fè alò an dwèt ka kwè ni mako ki ay di manblo kè misyé ka sèvi èvè lwil a manjé pou i fè ésans.

Pou jaden an nou pa pousé asi bato!

Par Shaka Zulu :: 07/08/2008 à 15:48 :: Ekonomi

An péyi gwadloup ki jenn ki vyé moun nou ni dè plis an plis moun gwo a kaz an nou.Ka zòt vlé fè sé tout zafè a McDonald, KFC é konsò.On pakèt manjé vini déwò moun ka fouté an kò a yo.Si yo kontinwé kon sa sé dèyè maladi yo ka kouri.Nou ni on gwan nèg ki sé doktè Henri Joseph. I ka di nou manjé tout biten ki sòti a kaz an nou.Sa bon pou kò é lèspri!

Ni on dòt pwoblèm ka fèt a kaz an nou sé tout zafè a mété béton tou patou é érèzman nou tini òwganizasyon patriyotik ki véyatif asi sa. LiGTG,LiPG, Mouvman Nonm, Anka, Akiyo é konsò pòté mannèv pou yo té sové tè a Kanpèch Lanzbètran. Si nou vlé gannyé lendépandans a péyi gwadloup fò nou planté manjé a kaz an nou davwa sé prèmyé biten moun ka fè adan on péyi, BA PÈP AW MANJE! On loto pou i pé woulé bizwen ésans anbò ay alò sé menm biten pou on péyi.

Fò nou toujou véyatif asi sé kalité pwoblèm-la sa ki sé on pwoblèm mondyal, toujou goumé pou jaden an nou pa pousé asi bato!

GWAKAFWIKA - Blog créé avec ZeBlog