» GWAKAFWIKA (http://shakazulu.zeblog.com/)

Mèt Sarah Aristid, on fanm doubout! On avoka ka défann an péyi an-nou travayè é sé fwè-la an Karayib-la ki ka pwan bon gaz anba gyouk a léta kolonyal fwansé. On fanm doubout ki komansé dèpi kèk tan mélé zafè a sé pwofitan-la an péyi Gwada. On fanm yo ka éséyé fè-y tonbé mé nou ja konnèt an péyi kolonizé, yo ja éséyé fè onlo moun tonbé mé sa yo pa sav la, tini sòlda Gwadloup ki pé ké jen lésé kolonyalis fè madanm-lasa tonbé!
Mi an midi-la, jounalis fwansé dèyè Lachin padavwa péyi-lasa pa ka rèspèté démokrasi. Ah bon? E zòt alò? Zòt fwansé, zò ka rèspèté-y démokrasi-la? Dèpi on moun tini on lidé politik, on lidé pou fè péyi a-y sòti an kabouya yo mété-y la, zò vlé fè-y arété palé ankò!