» GWAKAFWIKA (http://shakazulu.zeblog.com/)
Shaka Zulu
Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.
Calendrier
| Lun | Mar | Mer | Jeu | Ven | Sam | Dim |
|---|---|---|---|---|---|---|
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | |||
Blog
Catégories
Derniers billets
Pages
Compteurs
Liens
Fils RSS
Pawòl fonn-kè asi on boug Zabitan!
Par Shaka Zulu :: 16/09/2010 à 13:50 :: SOSYETE
Yé krik!
Yé krak!
Yé mistikrik!
Yé mistikrak!
Aboubou!
Dya!
On jou on boug asi Zabitan
Ki té bizwen vin rwa a Lagwadloup
Désidé voyé tout kalté timtimbwasèk
Ba moun ki pa té vlé vwè man Lisèt ankò
Krik!
krak!
E sé kon sa boug-lasa rivé
Gannyé bèl plas-la i té bizwen-la
Yé krik!
Yé mistikrak!
Pannan si lanné-la i té ka koupé é haché an péyi-la
On bèl ti-manmzèl fwansé té mété mis a-yo an 1992
Pasé anba moulinèt a misyé
Krik!
Krak!
Ki fè apré on ti-moun vin parèt
Yé mistikrik!
Yé mistikrak!
Aaaah, zafè mélé!
Mwen ki sé on boug mayé
An ki kabouya an mété mwen la?
Yé krik!
Yé mistikrak!
E wi, manmzèl pa kouyon
I di misyé
Si'w pa ka ban mwen sa an bizwen
Pou fè zafè an-mwen
Jounal ké mèt-yo ka palé fwansé!
Yé misitikrik!
Yé mistikrak!
Aaah, misyé mélé menm
Fò di zafè a politk sé biten sèryé
Ki jan an ké pé kouyonné moun ankò
Si manmzèl ka mété-y ka palé?
Krik!
Krak!
E sé kon sa boug Zabitan-la péyé 20 000 éwo chak mwa
Pou manmzèl pa rakonté match foutbòl a-yo asi jounal
Yé mistikrik!
Yé mistikrak!
Aaaah, politisyen Gwadloup, ou ja fè zafè!
GWAKAFWIKA - Blog créé avec ZeBlog