» GWAKAFWIKA (http://shakazulu.zeblog.com/)

28 lanné Radyo Tanbou
ka woulé ba pèp-la.


Dèmen chonjé jou 4 sèktanm 1982! Sé jou otila Rico Desfontaines té ka bay lavwa pou prèmyé jou a Radyo Tanbou. On radyo mwenmenm pa konpwann i té ké diré tousa lanné! 28 lanné, on laj plis ki majè, on laj a on moun ki komansé vin on gwan nonm. Magré tout tribilasyon i travèsé é ka kontinyé travèsé, Radyo Tanbou toujou doubout oka pou ba pèp andidan é andéwò tousa ka pasé an péyi Gwadloup. Mouvman LKP-la lanné pasé ba radyo-lasa plis fòs ankò davwa toutmoun té ka lyanné asi-y! E sé kon sa pou fè zòt chonjé 28 lanné a radyo-la, tout ékip a-y ka ba pèp Gwadloup mo dèmen sanmdi adan èstidyo-la é osi déwò an vil Lapwent douvan mizé Lèwminyé adan sa Luidji kriyé on èstidyo-mobil a radyo-la. Radyo Tanbou Banbou, radyo a pèp Gwadloup, on radyo a jòdi èvè on lidé a dèmen!