» GWAKAFWIKA (http://shakazulu.zeblog.com/)

LKP kay kontré pèp-la asi plaj Vya Ti-Bou dimanch


Gouvènè a léta kolonyal fwansé èvè konplosité a sé politisyen bwabwa an-nou-la wosé pri a ésans-la. Pannan Lirèl é Jilo kay paré biten a Sarkory (pwojé gwadloupéyen a yo-la),  pri a marchandiz ka monté an flèch, jénès Gwadloup pa ka sòti an délenkans-la. Sitiyasyon-la vin pli krabik ankò ki avan 2009. Wi mésyé, sa nou gannyé si yo lanné pasé, yo ka éséyé pwan-y on dòt koté!  E sé pou sa LKP ka kriyé pèp Gwadloup adan on gwan sanblé dimanch maten asi plaj Vya an komin Ti-Bou ola ké tini bokantaj a pawòl anlè pri, santé é jénès Gwadloup. On sanblé ké komansé koté névèd'maten. Pou plis kamo asi sa, lyanné-zòt dèmen sanmdi maten asi RTB (Radyo Tanbou Banbou). Moun a LKP ké vin bay tout dékatman-la asi RTB. Radyo Tanbou Banbou, radyo a pèp Gwadloup, on radyo ka woulé jòdi èvè lidé a dèmen. Toujou chonjé : "Lagwadloup sé tan-nou! Lagwadloup a pa ta yo! Yo pé ké fè sa yo vlé adan péyi an-nou!".