» GWAKAFWIKA (http://shakazulu.zeblog.com/)

Shaka Zulu

Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.

Calendrier

« Août 2010 »
LunMarMerJeuVenSamDim
 1
2345678
9101112131415
16171819202122
23242526272829
3031 

Blog

Catégories

Derniers billets

Pages

Compteurs

Liens

Fils RSS

Ki moun ki menné bonbon Gwadloup?

Par Shaka Zulu :: 05/08/2010 à 14:05 :: Espò




http://t2.gstatic.com/images?q=tbn:ANd9GcR4c8htnvEa8crLg9r_ZGknGdORy20oC_q5SLx4jCYXuQ1Uo4k&t=1&usg=__iVppInkzOheMWxis69ESXhPqV_g=http://t2.gstatic.com/images?q=tbn:ANd9GcQVqM3GPQGHNwErn58wyFlN83IvAmgrAnjuBxZiCqKTe0HUcCM&t=1&usg=__sKsTAIWE_c_8ZxrhT3zBPtFLUkA=Chonjé adan lantou Gwadloup 1985, adan dènyé étap-la, Richard Métony té fè on fèstival, i té gannyé étap-la èvè onlo tan douvan toutmoun, ki fè i té gannyé lantou-lasa. Mé kèk jou apré yo désidé sispann li padavwa i té pwan bonbon. Mé chonjé osi éwopéyen é kolonbyen yo té sispann padavwa yo osi yo té pwan bonbon avan lantou Gwadloup té komansé. Zafè a bonbon-la, ès sa toujou fèt Gwadloup? Ès kourè siklis Gwadloup toujou tonbé adan sa? An pa ka kwè! An ka kwè sé dèpi éwopéyen débaké an péyi an-nou yo fè gwadloupéyen tonbé adan sa osi. Chonjé on boug kon Nicolas Dumont sala ki gannyé lantou Gwadloup lanné pasé, i té toufré rivé Gwadloup é i té ja adan on zafè a bonbon ki komansé dèpi péyi a-y Lafwans. E mi jòd-la, li èvè Flober Pena Pena mélé ankò adan on zafè a bonbon.
Jòdi-jou fò zò sav bisiklèt tèlman i rèd, pwès yo tout oblijé rantré adan sa. Adan kous ka fèt an Ewòp pa menm palé. Ni on swangnè bèlj ki té di on jou adan on émisyon fwansé, on kourè ka woulé enki èvè dlo ké toujou rivé dènyé adan kèlanswa kous-la. On boug kon Lance Armstrong touvé tout kalté vyé mès pou kaché pwodui ki té an kò a-y. Wi mésyé, an ka kwè zafè a bonbon-la ké rèd toubòlman pou yo arèsté èvè sa!

GWAKAFWIKA - Blog créé avec ZeBlog