Moun ka sòti an péyi déwò, sè é fwè Gwadloup, zòt ka rété oben pasé an péyi-la, olyé déotwa voyé ti-fi a yo adan 'Mercury Day", voyé yo adan sa ka réprézanté plis kilti Gwadloup, léwòz a tanbouyé, chantè é dansè. On léwòz a LKP ki ké fèt owa bik-la Lapwent jou vandrèdi 30 juiyé oswè. Alò moun ki débaké Gwadloup é ki poko vwè mèt a mannyòk a LKP an vré, ké pé fè-y jou-lasa. E sé ké on mannyè osi pou zò woudékouvè kilti Gwadloup.