» GWAKAFWIKA (http://shakazulu.zeblog.com/)

On gwadloupéyen pèd vi a-y
adan on lagè ki pa tan-nou!


Jòd-la adan jounal papyé, télé é radyo, an ka apwann, toutmoun Gwadloup ka apwann, on jenn a péyi-la pèd vi a-y an Afganistan. On vyé nouvèl ki ka fè moun chonjé té tini osi jenn gwadloupéyen ki té mò an péyi Liban an 1985. E tou sa pou larmé fwansé fwè é sè Gwadloup! Pèp Gwadloup, péyi Gwadloup nou pa an lagè èvè moun Afganistan. Mandé sé moun-la koté-lasa si yo konnèt on péyi yo ka kriyé Gwadloup! Mé tou sa pou gwadloupéyen sèvi chè a kannon ba larmé fwansé, jenn an-nou ka mò adan on lagè ki pa tan-nou! Nou tini 4 bwabwa politisyen Gwadloup ki di pa ni lontan yo dakò pou jenn an-nou ay sèvi an Afganistan ba larmé kolonyal fwansé!