» GWAKAFWIKA (http://shakazulu.zeblog.com/)

20 mas 1985 - 20 mas 2010, té ka fè 25 lanné, on ka-syèk, on gwan tanbouyé, on gwan chantè, on gwan agrilkitè, on gwan militan, on gwan papa-zanfan kité nou, non ay Kristèn (lèkris) Aigle. Asosyasyon kiltirèl "Indèstwaska" ka rann li on omaj adan on gwan léwòz kay fèt Laramé Sentwòz. Koté 6 zèd'swè, zò kay ni èspozisyon, démokatpawòl asi gwan nonm-lasa é plita koté 9èd'swè léwòz-la an jan Kristèn té ka òganizé-y la ké bay alé jous jou wouvè! Malad a gwoka ké a lendikatif prézan adan léwòz-la mé an pa sav si RTB ké bay li an dirèk davwa a pa toutmoun ki ké pé ay, san konté gwadloupéyen ka viv an péyi déwò é ki té'é bizwen viv léwòz-lasa an dirèk asi radyotanbou.net.

Nòmalman léwòz-la té dwèt fèt jou a komémorasyon a mò a-y kivédi jou 20 mas é an plis di sa dat-la té ka tonbé on sanmdi davwa Kristèn té ka fè léwòz lèsanmdi é non lèvandrèdi kon moun ka fè-y alè! Mé 20 mas té ka tonbé an plen karèm é konm Kristèn dè vivan a-y pa té ka jwé tanbou an moman a karèm, sé pou sa yo voyé léwòz-la pou jòd-la.