Ou lé lé
E la lé la la
Ou lé lé
E la lé la la
Elwa oooh
Ou ka vwayajé
Bénédisyon di syèl Elwa
Ou ka vwayajé
On son onlo moun konnèt Gwadloup mé ès zò sav ki moun ki fè-y? Sé on dénonmé Kristèn "Aigle" ki lésé nou on jou 20 maws 1985! Kristèn sé té on travayè latè, on militan politik ki té ka òganizé chak kenzenn léwòz an réjyon Kako Sentwòz. Sé adan réjyon-lasa yo kréyé gwoka indèstwas ki sé on mannyè jwé, chanté, dansé gwoka! Gwoup mizik-la Indèstwaska désidé sanblé adan on kofré CD son kristèn té ka jwé an léwòz. Mwenmenm an kay éséyé prévwa tan mwen! Fanmi a Kristèn ka atann karèm pasé pou'y òganizé on gwan manman léwòz ki dwèt fèt nòmalman Laramé, sé ké on sanmdi 24 avril. Pou ki on sanmdi é pa on vandrèdi? Sé padavwa léwòz avan, moun té ka fè-y lèsanmdi!

Kristèn jwé on gwan wòl adan tradisyon
léwòz an péyi-la.
Pour faire un trackback sur ce billet : http://shakazulu.zeblog.com/trackback.php?e_id=430024