» GWAKAFWIKA (http://shakazulu.zeblog.com/)

Simenn-lasa lékòl té ka wouvè an péyi an nou. Mé dèpi bon enpé lanné lékòl adan péyi an nou ka wouvè mwa sèptanm. E nou sav mwa-lasa sé mwa a siklòn. Dayè yè on siklòn a klas 1 pasé an péyi-la. Alò imajiné si on siklòn fòs a Igo té'é pasé! Lékòl té ké rantré òktòb! E sé jistèman mwa òktòb gwadloupéyen té ni labitid rantré! Mé konm ba dé otwa moun an péyi-la nou pli fwansé ki fwansé-la, Lagwadloup sé Lafwans alò fò yo fè kon mèt a yo kivédi rantré lékòl an menm moman ki yo. Sé yè an tann moun mandé : Ki entéré fè moun rantré lékòl Gwadloup an mwa sèptanm-la? Sé aprézan zò ka vwè sa! Moun a sendika lékòl kon SPEG toujou dénonsé rantré a sèptanm-la. Mé konm dé otwa moun ka pansé endépandantis vlé enki mové biten pou péyi-la alò...! E gouvènè Desforges ka wouvè gèl ay pou palé dè on rantré a lakat. An dwèt ka kwè sé plito li ki pèd lakat! Alò èspéryans a yè èvè siklòn Erika ka byen montré nou kè Lagwadloup pa Lafwans!