» GWAKAFWIKA (http://shakazulu.zeblog.com/)
Shaka Zulu
Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.
Calendrier
| Lun | Mar | Mer | Jeu | Ven | Sam | Dim |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
Blog
Catégories
Derniers billets
Pages
Compteurs
Liens
Fils RSS
Arété kouri ba patron!
Par Shaka Zulu :: 22/05/2009 à 8:15 :: SOSYETE
27 Mé, jou a mémwa an péyi
an nou é menm jou-la, gwadloupéyen
ka kouri ba patron!
27 Mé an péyi an nou, on jou a mémwa, on jou otila pèp Gwadloup ka chonjé konba a Ignas, Dèlgrès, Masoto, Solitid pou libérasyon a gwadloupéyen anba gyouk a lèsklavaj é kolonyalis fwansé. On jou osi otila moun ka chonjé masak ki té fèt an vil Lapwent apré on grèv a travayè an batiman. Plis ki 100 gwadloupéyen té mò anba bal a légyonnè. Alò ki jan nou pé konpwann, jou-lasa, chak lanné, travayè Gwadloup pé ay swé ba séla ki toulélanné ka fann kyou a yo? Sé gwo kapitalis éwopéyen-lasa èvè bannélo béké a yo ka dérèspèté mémwa a gwadloupéyen. Arété kouri ba kalté patron kon sa!
Trackbacks
Pour faire un trackback sur ce billet : http://shakazulu.zeblog.com/trackback.php?e_id=409871
Commentaires
Le 22/05/2009 à 18:09, par Guerrier_Gwada
en daco, mé ka ou ka proposé
Le 22/05/2009 à 19:28, par Shaka Zulu
Ka mwen ka pwopozé? Ou sav dèpi déotwa lanné, asosyasyon kiltirèl ka fè on gwan maché jou 27 Mé. Non a maché-lasa sé "Fè mémwa maché fè konsyans vansé". Gwan maché-lasa (ki rèd toubòlman!) ka pati gwan bonnè maten an vil Bastè, i ka fè on lèskal an komin Kapèstè Bélo é lè landèmen maten gwan maché-la ka woupati pou'y bout an vil Lapwent. Pannan tout maché-lasa, moun ka rété dé koté istorik otila yo ka èspliké moun ka'y té pasé an péryòd-lasa. Alò ou ka vwè! Olyé moun ay kouri initilman san pon kalté lèsplikasyon ba patron, pisimyé yo fè gwan maché-lasa. Yo ké pwofité pou konnèt listwa a péyi-la plis an fondè.
Ajouter un commentaire
GWAKAFWIKA - Blog créé avec ZeBlog