» GWAKAFWIKA (http://shakazulu.zeblog.com/)

Shaka Zulu

Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.

Calendrier

« Octobre 2010 »
LunMarMerJeuVenSamDim
 123
45678910
11121314151617
18192021222324
25262728293031

Blog

Catégories

Derniers billets

Pages

Compteurs

Liens

Fils RSS

Fout Eli ka fè yo chyé!

Par Shaka Zulu :: 07/10/2010 à 19:35 :: SOSYETE

http://t2.gstatic.com/images?q=tbn:ANd9GcTv2emmMQNviTO9VHyyq-l0Yt8ykLyUB1pXE4Yqf09hymSdi4E&t=1&usg=__6E7JesZYZhjXiOpxhCD4dtqn5YE=
Fò nou palé é maké kréyòl touléjou
é toupatou an péyi-la!

Kanmarad, pa ni lontan nou menné PSE adan dènyé kaz a-y? Pa ni lontan toutmoun isi té ka kriyé woulo ba Patrick ki défann lang é kilti Gwadloup? Dé simenn apré, ka'y ka pasé? On pakèt fachis ka kriyé anmwé davwa kanmarad Eli Domota voyé on démo-maké ba minis fwansé a lajistis ola i ka di fò NOU gwadloupéyen, NOU ki an péyi an-nou, nou palé lang a péyi-la toupatou! Aka "domactu" pou pa nonmé-y (davwa fò nou toujou jété on zyé aka lèlmi), yo mèt on sijé "Parler créole au tribunal?". Imajiné-zòt kanmarad, 114 répons asi sijé-lasa! 114 répons an di zòt, on rèkò! Aaaah, fout Eli ka fè yo chyé! 

Koup Digicel a Karayib-la

Par Shaka Zulu :: 07/10/2010 à 14:10 :: Espò

http://upload.wikimedia.org/wikipedia/en/thumb/9/91/Digicel-caribbean-cup_2010_logo.jpg/150px-Digicel-caribbean-cup_2010_logo.jpg
Gwoup A : Angiy - Senmawten 2-1
                 Pòtoriko - Zil Kayiman 2-0

Gwoup B : Bawbad - Senkis é Névis 1-1
                 Senvensan é Grènadin - Monséra 7-0

Nankin : on lonnè pou Soni Ripè

Par Shaka Zulu :: 07/10/2010 à 14:00 :: Kilti

http://t2.gstatic.com/images?q=tbn:ANd9GcR2G9V31yOHTMD1eIEZmRVxM3axnyj-MbPK0wd9j4R97_nUeWw&t=1&usg=__SPJeTpGZfELk40tqJ4FAE2uXlGo=
Aprémidi-la, Lapwent, an ay adan paviyon-la owa Laplas Laviktwa ola on militan an-nou té ka rann omaj ba on dòt gwan militan a péyi-la Soni Ripè (Sonny Rupaire). Sé awtis Joël Nankin èvè tablo a-y ki té ka fè nou chonjé tout travay misyé Ripè fè ba péyi a-y. Joël Nankin ka sèvi koulè é osi délè enki èvè nwè é blan. Soni Ripè té fè pawòl-fonnkè asi kyouyézon (massacre) a Mé 67. Sé èvè tablo an nwè é blan, Joël Nankin ka rakonté nou sa ki té pasé Lapwent jou 26,27,28 Mé 1967.

Moun ki an péyi-la, ka pasé an péyi-la, rann-zòt Lapwent owa Laplas Laviktwa pou zò pé sav vwayajé adan listwa èvè tablo a Joël Nankin.

GWAKAFWIKA - Blog créé avec ZeBlog