» GWAKAFWIKA (http://shakazulu.zeblog.com/)

Shaka Zulu

Blòg an lang fondalnatal an nou , lang a manman nou kréyòl.Ka palé dè nèg asi Kariyib-la, kontinan Afirk-la é nèg adan dyaspora-la.

Calendrier

« Septembre 2010 »
LunMarMerJeuVenSamDim
 12345
6789101112
13141516171819
20212223242526
27282930 

Blog

Catégories

Derniers billets

Pages

Compteurs

Liens

Fils RSS

Ki jan an kay woté pikan-lasa adan pyé an-mwen?

Par Shaka Zulu :: 08/09/2010 à 8:00 :: Politik

http://t0.gstatic.com/images?q=tbn:ANd9GcQ1_pKC0XLaxLoJ2LxzZhRBq7nxlWZV-Yx-BU8HV5J2Rc0YMTk&t=1&usg=__8H3Y9YtygqZadXTU_u3if86yY9U=                   http://t2.gstatic.com/images?q=tbn:ANd9GcSz3BouCw29Wihy93n7kYdpqUZW2B8T47shPGccAQZP8op5IOI&t=1&usg=__ONapA3UaY8M-McBXQQVTP-NrTyE=
Boug an-mwen, ou komansé              Lirèl, ou konpwann yo tout bwabwa?
fan'w plézi!



Yè swa, tout gwadloupéyen ka apwann adan télévizyon a-yo, konséyé réjyonal-la misyé Cédric Cornet voyé bon labou asi prézidan a réjyon Gwadloup, misyé Victorin Lirèl. Misyé Cornet di Lirèl, sé moun-la ki sizé laréjyon pa ka fè ayen magré yo ka péyé yo pou sa. I di osi dèpi si lanné Lirèl laréjyon é sé aprézan i ka éséyé fè on biten ba jénès a péyi-la. Aaaaah Lirèl, ou pa té ko vwè sala?!! Ou dwèt ka di-w : "Ki jan an kay woté pikan-lasa adan pyé an-mwen?". Ou konpwann on fwa Cornet té'é sizé laréjyon, i té'é fèmé gèl a-y kon toutmoun? Ou pèd fil a-w! Moun ka di Cédric Cornet ni gwan lidé. Sa nòmal on moun ni gwan lidé! Adan lavi chak moun asi latè dwèt tini gwan lidé! Lirèl pa ni gwan lidé? Lirèl vlé pa vin prézidan a Lagwadloup? Mésyé adan on swadizan démokrasi, pa tini anmèd opozisyon laréjyon. Misyé Lirè-la pli mové ki Chèvry! Sé li ka haché é koupé, pon moun pa ni dwa di-y ayen. Pou divini politik a péyi Gwadloup, sé ta-y ki bon é yenki ta-y! Fò nou voyé on bon fòs ba misyé Cornet pou'y kontinyé mèt anwout asi Lirèl! Cédric Cornet sé on jenn gwadloupéyen ki ni jenn kon li dèyè do a-y. Fò pa nou obliyé jénès sé fòs a on péyi!  Alò fòs ba-w Cédric!  

GWAKAFWIKA - Blog créé avec ZeBlog